新聞類別
娛樂
詳情#
【蘋果日報】賭王何鴻燊胞妹「十姑娘」何婉琪舊情人何鴻章上月20日離世幾日後，十姑娘同前夫麥志偉所生嘅兒子麥家興，喺上月29日因喉癌病逝，終年61歲。噚日八號風球下家人為麥家興喺香港殯儀館設靈，今日出殯，遺體安葬何東家族墓園昭遠墳場。
「掛到冇感覺」
十姑娘囡囡麥慧貞離開靈堂時，講到細佬喉癌離世，佢話細佬過身時自己有陪伴身邊。問到細佬有乜心願？佢話：「佢已經講唔到嘢，或者想見媽咪啦，但見唔到。」媽咪身體點？佢再話：「OK，時清醒，時唔清醒。」有冇講佢知細佬過身？麥慧貞就話佢自己都想見見媽咪：「佢喺養和，我都見唔到佢，私人醫院，下咗令任何人都唔入得，否則Michael（麥舜銘）會告我哋擅闖民居。」有冇同媽咪傾電話？麥慧貞繼續話：「冇，佢有兩個賓妹睇住，十幾年啦！」講到呢度，麥慧貞開始有啲激動，仲話：「掛到差唔多冇感覺。」有乜想同媽咪講？麥慧貞激動到想喊咁話：「希望見到佢，係before佢死之前，希望有時間同佢一齊。」
此外，賭王三房兒子何猷啟噚日係何家代表中最早到靈堂，之後二房長女何超瓊同妹妹超蕸、三房嘅超雲同四房嘅猷亨亦陸續到靈堂。超瓊同超蕸逗留45分鐘後離開時表現傷感，而近年變得低調嘅江湖人物「上海仔」郭永鴻都有現身。
撰文：馮仁昭
「掛到冇感覺」
十姑娘囡囡麥慧貞離開靈堂時，講到細佬喉癌離世，佢話細佬過身時自己有陪伴身邊。問到細佬有乜心願？佢話：「佢已經講唔到嘢，或者想見媽咪啦，但見唔到。」媽咪身體點？佢再話：「OK，時清醒，時唔清醒。」有冇講佢知細佬過身？麥慧貞就話佢自己都想見見媽咪：「佢喺養和，我都見唔到佢，私人醫院，下咗令任何人都唔入得，否則Michael（麥舜銘）會告我哋擅闖民居。」有冇同媽咪傾電話？麥慧貞繼續話：「冇，佢有兩個賓妹睇住，十幾年啦！」講到呢度，麥慧貞開始有啲激動，仲話：「掛到差唔多冇感覺。」有乜想同媽咪講？麥慧貞激動到想喊咁話：「希望見到佢，係before佢死之前，希望有時間同佢一齊。」
此外，賭王三房兒子何猷啟噚日係何家代表中最早到靈堂，之後二房長女何超瓊同妹妹超蕸、三房嘅超雲同四房嘅猷亨亦陸續到靈堂。超瓊同超蕸逗留45分鐘後離開時表現傷感，而近年變得低調嘅江湖人物「上海仔」郭永鴻都有現身。
撰文：馮仁昭
回應 (0)
