講嘢慢半拍又多懶音杜如風Style仲有乜

【蘋果日報】杜如風三個字，代表咗啲咩？唔同年齡層會搵到唔同答案，既然係咁，不如等佢親自解答。
最多人覺得杜如風同港女劃上等號，早前佢喺專訪就話過「我唔識乜叫港女。」喺杜如風嘅角度，所有嘢都係自己買，錢係自己儲，去旅行都係同男友AA制。佢又舉例，其實日本女仔比港女更「港女」，為咗儲錢買名牌袋，可以只係食菜過日子，呢啲事，佢就做唔出喇。
杜如風仲有樣個人風格好特別，就係講...嘢...慢...時睇佢做節目，真係慢半拍，講嘢又唔清晰，有觀眾就話對聽覺係一種考驗。杜如風就解釋，真實嘅佢同電視入面一樣，講得好慢，尤其係旅遊節目，一路講一路要諗嘢講，就慢上加慢。
港女仲有個特點，就係任何時候都要諗減肥，曾經一度受喪父之痛，引至濕疹發作，要食類固醇醫病，令身體肥腫難分。杜如風用咗一年多啲減肥着番中碼衫，可以繼續扮靚。