【馮仁昭四圍超】傳關係曖昧同遊日本阿嬌男友專惹爆乳女生

【蘋果日報】鍾欣潼（阿嬌）早前承認戀上有台灣「醫學界王陽明」之稱嘅賴弘國，但呢段異地戀公開後，有唔少暗湧。首先男方被踢爆跟「華航林依晨」閃電離婚，跟住有台灣傳媒報道話賴弘國認戀阿嬌之前，同一名叫Wendy嘅爆乳女生火辣合照，女方仲曖昧留言：「半年見一次老公，畢竟他事業做得太大。」
事後雙方急忙澄清，賴弘國回應：「對方只是學妹，沒有感情關係，她是開玩笑才那樣寫。」Wendy亦自言已有男朋友。
急忙澄清
噚日再有人向台灣傳媒爆料，指喺Dr.Robertson嘅facebook入面，發現賴弘國喺上月初，仲帶一位戴墨鏡嘅爆乳女生同醫學界朋友同遊東京，似乎賴弘國對巨胸女子情有獨鍾。報道又指二人唔係第一次一齊出國，年初已經試過一齊去旅行。計落阿嬌同賴弘國拍咗三個月拖，賴弘國有劈腿之嫌。
對於外遊東京一事，賴弘國回應：「跟阿嬌從認識到交往，都沒有跟其他女生交往或有曖昧關係。」
撰文：馮仁昭