傅嘉莉倒奶踩單車

【蘋果日報】傅嘉莉、岑杏賢、歐陽巧瑩及翟威廉等昨日在尖沙嘴出席體育活動，眾人穿上運動裝玩鬥踩單車遊戲，當中以傅嘉莉最性感，踩單車時更露出事業線。岑杏賢表示平日有去健身，而自己的健身教練是大隻猛男，不過對方已有家室。跟袁偉豪分手後，她指不心急拍拖，提到緋聞男友陳浚霆離開無綫，岑杏賢強調：「我哋從來冇發展過，只係朋友，唔想因為緋聞影響到大家。將來拍拖唔會收埋，依家平常心等待下一段新戀情出現。」


此外，歐陽巧瑩指最近因考潛水進階牌而傷及腰部：「嚟緊要去帛琉拍旅遊特輯，所以要考潛到30米嘅牌。呢幾日上堂孭樽，扭嚟扭去。」有否叫男友林師傑幫忙捽跌打酒？她尷尬謂：「冇呀，冇時間。」


撰文：葉綠悠