新聞類別
娛樂
詳情#
【蘋果日報】現年57歲的前DJ洪朝豐，過去十多年不但受抑鬱狂躁症困擾，上周他更確診舌癌，在進行超聲波及磁力共振後，身在佛山拍內地網劇的他，昨日返香港取報告，證實患上第一期至第二期舌癌，醫生建議他要進行割脷手術。
割三成至五成
洪朝豐昨在電話中說：「今日報告出嚟，話係第一至第二期舌癌，醫生話要割三成至五成條脷，割咗之後要用番身體組織填補番。而且可能要破開個下巴做治療，建議我盡快做手術。」洪朝豐指左邊舌頭有癌細胞，左邊頸部淋巴亦有很多細粒粒，醫生建議一併切除。他說：「我有晒心理準備，西醫有治療方案，唔使我做化療同電療，但就建議我盡快做手術，我同醫生講，呢個對我嚟講係好殺傷性嘅手術，因為直接影響我講嘢能力同食嘢嘅功能，甚至可能會破相，因為可能要破開下巴做治療，所以我都要好仔細咁想清楚。」
服中藥減痛楚
醫生告訴洪朝豐舌癌蔓延得十分快，建議他盡快做手術，但由於洪朝豐睇中醫後，至前日為止連續服了5日中藥，感覺每日舌頭痛楚減輕，所以決定本月底先到內地接受為期3個星期的中醫治療。他說：「睇吓病情有冇進展之後，先至決定之後點做。」洪朝豐又說：「我姪女、前妻都好關心我，醫護人員又不斷提點我，所以我覺得自己好幸運，如果你問我呢刻心情點樣，我可以話你知，我覺得自己好好運氣，好多人愛錫，就算我依家拍緊嘅內地網劇劇組人員，都好錫我、好關心我，將來係點冇人知，最緊要活得開心。」
採訪：魯吉
割三成至五成
洪朝豐昨在電話中說：「今日報告出嚟，話係第一至第二期舌癌，醫生話要割三成至五成條脷，割咗之後要用番身體組織填補番。而且可能要破開個下巴做治療，建議我盡快做手術。」洪朝豐指左邊舌頭有癌細胞，左邊頸部淋巴亦有很多細粒粒，醫生建議一併切除。他說：「我有晒心理準備，西醫有治療方案，唔使我做化療同電療，但就建議我盡快做手術，我同醫生講，呢個對我嚟講係好殺傷性嘅手術，因為直接影響我講嘢能力同食嘢嘅功能，甚至可能會破相，因為可能要破開下巴做治療，所以我都要好仔細咁想清楚。」
服中藥減痛楚
醫生告訴洪朝豐舌癌蔓延得十分快，建議他盡快做手術，但由於洪朝豐睇中醫後，至前日為止連續服了5日中藥，感覺每日舌頭痛楚減輕，所以決定本月底先到內地接受為期3個星期的中醫治療。他說：「睇吓病情有冇進展之後，先至決定之後點做。」洪朝豐又說：「我姪女、前妻都好關心我，醫護人員又不斷提點我，所以我覺得自己好幸運，如果你問我呢刻心情點樣，我可以話你知，我覺得自己好好運氣，好多人愛錫，就算我依家拍緊嘅內地網劇劇組人員，都好錫我、好關心我，將來係點冇人知，最緊要活得開心。」
採訪：魯吉
回應 (0)
