嘟姐被威脅拍戲

【蘋果日報】曾是陳自強旗下藝人的鄭裕玲，昨日主持商台節目時回應陳自強離世：「當年離開TVB投身影圈，我就搵佢做經理人，當時佢已經有好多囝囝囡囡我有佢嘅幫手的確輕鬆咗好多，合作咗一輪後，我發現可以自己搞掂，於是就脫離咗。」


嘟姐亦大讚陳自強：「好識照顧人，盡量滿足我哋嘅要求，喺佢旗下嗰幾年我學到好多嘢，包括做人處世同埋傾條件，我好感激佢嗰幾年嘅協助。今日聽到呢個消息，希望佢rest in peace，我永遠懷念佢。」其實嘟姐過往曾在訪問中透露90年代初被黑幫要脅拍戲的經過：「當時我係陳自強旗下藝人，佢不時被人要脅要找旗下藝人拍戲。我都試過一、兩次，陳自強亦試過被人用槍指住，要佢撥出檔期，我惟有答應。」


撰文：曹家誠