新聞類別
娛樂
詳情#
【蘋果日報】王浩信緋聞多多，早前被傳與同劇女拍檔在VIP房單獨打邊爐，最後要出動太太陳自瑤（YoYo）合體出席活動，搵銀兼闢謠，平息婚變風波。不過桃花依舊極旺的王浩信再被傳跟合作拍《溏心3》、擁有34E上圍現年26歲港姐出身的陳偉琪（Vicky）撻着。事後雙方否認認識，男方更希望不要傷害到Vicky。事實上Vicky「躺着也中槍」，她身邊似乎已經有一位真命天子。日前下午4時許，身穿熱褲、小背心的陳偉琪在港島滑浪勝地的大浪灣現身。
逗留大半小時
Vicky坐在沙灘茶座一邊嘆着椰青及沙律，一邊戴大耳牛款耳筒在聽歌，非常寫意。約半小時後，一名手持滑浪板、一身紋身的光頭男慢慢行向Vicky身邊坐低。他們互相交談，更不時玩手機，滑水男更將手機跟Vicky開心分享，逗到她笑得非常開心。他們逗留大半個鐘之後，便一齊離開。臨走前他們跟茶座內其他人打招呼，看來兩人都是常客。
「開頭算係拍拖」
Vicky昨日回應傳媒查詢是否跟滑水男拍拖，她說：「唔係拍拖，佢係我健身教練Billy。呢排大家都忙工作，有時間所以約出嚟見面，大家都係好好朋友志同道合。一齊去吓街係有嘅，開頭都算係拍拖，有諗過發展，但係發現大家都係做朋友好啲。」講到跟王浩信的緋聞，她笑說：「呢一個真係要還清白，我依家真係single，唔好斷我米路啦。」
Vicky是13年港姐出身，有「翻版陳妍希」及新一代爆乳「咪神」稱號。當年落選可算雖敗猶榮，當時冠亞季軍分別是陳凱琳、蔡思貝跟劉佩玥。一身健康膚色的Vicky除喜歡陽光海灘之外，打籃球亦有一手，是藝人籃球隊「Hero」成員之一。
採訪：李森
攝影：廖達燊
逗留大半小時
Vicky坐在沙灘茶座一邊嘆着椰青及沙律，一邊戴大耳牛款耳筒在聽歌，非常寫意。約半小時後，一名手持滑浪板、一身紋身的光頭男慢慢行向Vicky身邊坐低。他們互相交談，更不時玩手機，滑水男更將手機跟Vicky開心分享，逗到她笑得非常開心。他們逗留大半個鐘之後，便一齊離開。臨走前他們跟茶座內其他人打招呼，看來兩人都是常客。
「開頭算係拍拖」
Vicky昨日回應傳媒查詢是否跟滑水男拍拖，她說：「唔係拍拖，佢係我健身教練Billy。呢排大家都忙工作，有時間所以約出嚟見面，大家都係好好朋友志同道合。一齊去吓街係有嘅，開頭都算係拍拖，有諗過發展，但係發現大家都係做朋友好啲。」講到跟王浩信的緋聞，她笑說：「呢一個真係要還清白，我依家真係single，唔好斷我米路啦。」
Vicky是13年港姐出身，有「翻版陳妍希」及新一代爆乳「咪神」稱號。當年落選可算雖敗猶榮，當時冠亞季軍分別是陳凱琳、蔡思貝跟劉佩玥。一身健康膚色的Vicky除喜歡陽光海灘之外，打籃球亦有一手，是藝人籃球隊「Hero」成員之一。
採訪：李森
攝影：廖達燊
回應 (0)
