新聞類別
娛樂
詳情#
【蘋果日報】古天樂前日在內地拍戲右眼受傷，急返港睇醫生縫了8針，但昨晚仍現身圓方出席時裝品牌Michael Kors旗艦店開幕，當古仔以黑超look出現時，公關緊張叫記者盡量不要用閃光燈影相。古仔之後拉低太陽眼鏡被記者看，見到他的右眼爆微絲血管通紅，他說：「前日喺象山拍電影《真．三角無雙》，一個動作被兵器打到隻眼，醫生診斷之後，話眼球披口穿窿，縫咗8針，好在視網膜冇事，所以視力暫時OK，但都要等拆線先知。」
Sammi攬貓敏感
雖然眼睛受傷，但古仔卻未肯停工，更沒用紗布遮傷口，問到不怕受感染？他說：「做嘢冇辦法，坐飛機返嚟都驚氣壓㗎，依家眨眼都痛。」同場的鄭秀文（Sammi）就聲沙沙，她說：「因為轉天氣就鼻敏感，加上自己鍾意攬住隻貓，將啲貓毛吸晒入去。」問她為甚麼不攬老公許志安，她笑說：「攬貓好啲。」
對於張智霖豪擲9,180萬買入大寶閣，跟Sammi雙親做鄰居，她說：「好開心喎，同張智霖做鄰居，以前一齊合作拍電影《衝上雲霄》，感覺好得意。不過爸爸諗住換一間細啲單位，因為依家年紀大，去廁所都要行得比較遠，而且爹哋中過風，行動冇咁方便，所以有朝一日將父母換去細啲嘅單位，大家千祈唔好寫我虐待老人家。」
胡定欣睇好鮑姐
此外，胡定欣日前在新加坡出席《星和無綫電視大獎2017》爭視后輸給李佳芯，有指定欣藐爆對方，她否認：「吓，冇呢件事，自己對佳芯都好有信心，其實獎項對每個人都係鼓勵，自己都係過來人，最緊要公司需要多啲演員，佳芯係好努力演員，大家應該正面啲去睇。」
問到明年初無綫頒獎禮，會否睇好李佳芯封后呢？定欣就避答，反而力撐鮑起靜攞獎：「每一年去頒獎禮都覺得好似去party，今年好開心，同鮑姐同劇，希望可以一齊出席頒獎禮，好想佢得到獎，反而自己就好輕鬆，希望《同盟》可以攞獎，因為大家打得好辛苦。」
採訪：馬建華
攝影：仇志德
Sammi攬貓敏感
雖然眼睛受傷，但古仔卻未肯停工，更沒用紗布遮傷口，問到不怕受感染？他說：「做嘢冇辦法，坐飛機返嚟都驚氣壓㗎，依家眨眼都痛。」同場的鄭秀文（Sammi）就聲沙沙，她說：「因為轉天氣就鼻敏感，加上自己鍾意攬住隻貓，將啲貓毛吸晒入去。」問她為甚麼不攬老公許志安，她笑說：「攬貓好啲。」
對於張智霖豪擲9,180萬買入大寶閣，跟Sammi雙親做鄰居，她說：「好開心喎，同張智霖做鄰居，以前一齊合作拍電影《衝上雲霄》，感覺好得意。不過爸爸諗住換一間細啲單位，因為依家年紀大，去廁所都要行得比較遠，而且爹哋中過風，行動冇咁方便，所以有朝一日將父母換去細啲嘅單位，大家千祈唔好寫我虐待老人家。」
胡定欣睇好鮑姐
此外，胡定欣日前在新加坡出席《星和無綫電視大獎2017》爭視后輸給李佳芯，有指定欣藐爆對方，她否認：「吓，冇呢件事，自己對佳芯都好有信心，其實獎項對每個人都係鼓勵，自己都係過來人，最緊要公司需要多啲演員，佳芯係好努力演員，大家應該正面啲去睇。」
問到明年初無綫頒獎禮，會否睇好李佳芯封后呢？定欣就避答，反而力撐鮑起靜攞獎：「每一年去頒獎禮都覺得好似去party，今年好開心，同鮑姐同劇，希望可以一齊出席頒獎禮，好想佢得到獎，反而自己就好輕鬆，希望《同盟》可以攞獎，因為大家打得好辛苦。」
採訪：馬建華
攝影：仇志德
回應 (0)
