毛舜筠回巢主力拍處境劇　靚靚復出孖三嫂演重頭劇

【蘋果日報】近年大台唔少藝員都傾向北上搵食，人材流失呢個問題，除咗力捧新人之外，唔少得搵啲淡出咗嘅朋友「回家」啦。
90年港姐冠軍入行嘅「靚靚」袁詠儀，入行冇耐已經喺大台做女主角，之後仲進軍大銀幕。01年佢同張智霖拉埋天窗，06年生咗囝囝「魔童」，而喺阿仔出世之後靚靚就短暫回巢大台，同三哥苗僑偉合作拍過《疑情別戀》，同埋孖三嫂戚美珍合作拍重頭劇《富貴門》。
而81年加入大台嘅毛舜筠，喺91年轉攻電影圈。不過08年大台力邀拍長篇處境劇《畢打自己人》，之後接連拍《天天天晴》，而去年再拍《愛·回家》系列第三輯《愛·回家之八時入席》。