新聞類別
娛樂
詳情#
【蘋果日報】下月踏入34歲的李彩華（Rain）入行17年，前晚假旺角麥花臣場館舉行處女騷，男友何遠恒在台下力撐。Rain換上透視誘惑戰衣落力唱巨星的懷舊金曲，更請到「小背心李彩華」擔任神秘嘉賓，在台上「李彩華」為李彩華吹色士風，真．李彩華說：「好開心認識到世界上另一個我。」
李彩華在2000年以玉女歌手出道，09年出完最後一隻碟後，轉戰內地拍劇賺人仔，並識到現任男友、無綫前「新五虎」何遠恒。前晚Rain重拾歌手身份，假旺角麥花臣場館舉行處女騷「十月的雨演唱會」圓夢，除圈中好友羅霖、張文慈、關心妍等捧場外，父母和男朋友都有現身力撐。
離開樂壇多年的Rain首次開騷，入座率僅有7成，Rain身穿紅皮褸襯透視裙性感登場，演繹郭富城《雨中感嘆號》打頭陣，之後扯開衫，露出性感黑色吊帶，下身透視現三角褲唱黎明《相逢在雨中》，接着唱出張學友《分手總要在雨天》後，Rain說：「希望大家今晚見到不一樣嘅李彩華，唔好咁拘謹。初出道記者都叫我做玉女，希望大家聽完會年輕啲，以下歌曲向咁多年嘅玉女致敬。」跟着唱出黎瑞恩、吳倩蓮、黎姿的歌曲。
高潮當然是網民至愛的漁業商會「小背心李彩華」出場，Rain介紹說：「近期佢俾人炒hit咗，平時佢早睡早起，因為要準備買魚。」當「小背心李彩華」着老西現身時，Rain對他說：「好開心認識到你，世界上另一個我。」小背心李彩華答：「梗係要嚟，同名同姓。」Rain笑問對方有否帶瓜子斑來？他則說：「唱歌我就唔夠班，不過近期學咗saxophone獻醜。」之後奏出李克勤《月半小夜曲》伴着Rain唱歌，最後「小背心李彩華」更單拖吹口琴奏出《你唔愛我啦》的改編惡搞版《你唔買我喇》。
着泳褲防走光
Rain全晚表演落力，換黑閃透視裙騷事業線又風騷扭籮，腳踏舞蹈員唱《熱咖啡》、《擋不住的風情》，又跟女dancers跳辣身舞作狀咀嘴。之後又換懷舊look高唱梅艷芳、張國榮金曲，包括《壞女孩》、《夢伴》、《H2O》等。Rain壓軸唱出自己飲歌《你唔愛我啦》時喊着說：「感謝在座所有愛我嘅朋友留到最後一刻，多年開心咁多人錫我，雖然咁多年自己啲歌冇乜點plug過，都得到你哋喜愛。」
完騷後Rain接受訪問表示，選唱80、90年代歌曲原因是它們對自己影響深遠，較獻唱自己歌更適合：「唔想有悶場，想台下觀眾都會識得啲歌。」講到造型現三角黑色褲，她說：「呢條係泳褲嚟㗎，唔驚走光，男朋友話可以再性感啲。」
採訪：卓寶花
攝影：陳慧安
李彩華在2000年以玉女歌手出道，09年出完最後一隻碟後，轉戰內地拍劇賺人仔，並識到現任男友、無綫前「新五虎」何遠恒。前晚Rain重拾歌手身份，假旺角麥花臣場館舉行處女騷「十月的雨演唱會」圓夢，除圈中好友羅霖、張文慈、關心妍等捧場外，父母和男朋友都有現身力撐。
離開樂壇多年的Rain首次開騷，入座率僅有7成，Rain身穿紅皮褸襯透視裙性感登場，演繹郭富城《雨中感嘆號》打頭陣，之後扯開衫，露出性感黑色吊帶，下身透視現三角褲唱黎明《相逢在雨中》，接着唱出張學友《分手總要在雨天》後，Rain說：「希望大家今晚見到不一樣嘅李彩華，唔好咁拘謹。初出道記者都叫我做玉女，希望大家聽完會年輕啲，以下歌曲向咁多年嘅玉女致敬。」跟着唱出黎瑞恩、吳倩蓮、黎姿的歌曲。
高潮當然是網民至愛的漁業商會「小背心李彩華」出場，Rain介紹說：「近期佢俾人炒hit咗，平時佢早睡早起，因為要準備買魚。」當「小背心李彩華」着老西現身時，Rain對他說：「好開心認識到你，世界上另一個我。」小背心李彩華答：「梗係要嚟，同名同姓。」Rain笑問對方有否帶瓜子斑來？他則說：「唱歌我就唔夠班，不過近期學咗saxophone獻醜。」之後奏出李克勤《月半小夜曲》伴着Rain唱歌，最後「小背心李彩華」更單拖吹口琴奏出《你唔愛我啦》的改編惡搞版《你唔買我喇》。
着泳褲防走光
Rain全晚表演落力，換黑閃透視裙騷事業線又風騷扭籮，腳踏舞蹈員唱《熱咖啡》、《擋不住的風情》，又跟女dancers跳辣身舞作狀咀嘴。之後又換懷舊look高唱梅艷芳、張國榮金曲，包括《壞女孩》、《夢伴》、《H2O》等。Rain壓軸唱出自己飲歌《你唔愛我啦》時喊着說：「感謝在座所有愛我嘅朋友留到最後一刻，多年開心咁多人錫我，雖然咁多年自己啲歌冇乜點plug過，都得到你哋喜愛。」
完騷後Rain接受訪問表示，選唱80、90年代歌曲原因是它們對自己影響深遠，較獻唱自己歌更適合：「唔想有悶場，想台下觀眾都會識得啲歌。」講到造型現三角黑色褲，她說：「呢條係泳褲嚟㗎，唔驚走光，男朋友話可以再性感啲。」
採訪：卓寶花
攝影：陳慧安
回應 (0)
