四大美人加埋188歲「壽星婆」陳法蓉素顏慶生辰

【蘋果日報】89年港姐冠軍陳法蓉前日51歲牛一，好姐妹朱茵、洪欣、經理人若蘭咁啱都係10月星辰，佢哋約埋閨蜜蔡少芬齊齊食飯慶祝，陳法蓉喺微博貼合照並留言：「願我們走過歲月，一直都牽著彼此的手，各自忙亂，又互相牽掛。久處不厭才是真情，彼此攙扶，彼此鼓勁，不離不棄，一直到老。真心、真意、真友誼！所以路遙遠我們一起走。祝我家親愛的和我自己，十月生日快快樂樂。」
46歲朱茵、44歲蔡少芬、47歲洪欣、51歲壽星婆陳法蓉無懼歲月催人，齊齊素顏上陣，4大美人加埋188歲十分好意頭，擺出少女味嘅嘟嘴可愛甫士，網友留言讚：「都是女神呀」、「素顏都超美」、「都是大美人，都是演技派」而蔡少芬老公張晉、洪欣老公張丹峰都有到賀，但朱茵老公黃貫中就冇出現，唔知係咪工作忙呢！