新聞類別
娛樂
詳情#
【蘋果日報】自稱從來冇拍過拖、走毒男路線嘅「愛情專家Dickson」，最近被ViuTV睇中，同才子陶傑、才女卓韻芝合作主持ViuTV節目《晚吹-啪啪Channel》！正所謂講就天下無敵，對住才子同才女，Dickson完全冇招架能力，佢哋早前喺柴灣接受《蘋果》訪問，單單係討論呢個破處問題，已經搞到Dickson大叫怕怕！
喺節目裏面，Dickson分別會同佢哋兩個講一啲關於性嘅話題，用「毒男」嘅身份講吓自己嘅見解，阿芝一坐低就話Dickson好似有好多fans，點知Dickson話：「唔係，首先唔係幾多fans，我只係覺得佢哋係極有同情心嘅人，我諗佢哋去到嗰啲哋方，見到流浪貓流浪狗覺得好同情，見到我單身一個好可憐，咪同情下我啫。」點知阿芝話：「單身唔可憐，不過單身咗30幾年就係一個紀錄。」
有唔少人都質疑Dickson嘅身份，佢話：「o依家傳媒咁發達嘅情況下，加上人人都有手機，如果假嘅話實會揭穿。」陶傑接住開聲：「開頭都唔信，做吓節目同佢心理分析，發覺佢99.8係真，因為有好多心理行為，反映到嗰人嘅純真同純潔，你見佢着住白襪就知，你知最近都有一個男人着白襪，都廣受社會尊敬喇！你都知係邊一位啦，所以我都覺得佢係一個好戇居、好內向、好沉默寡言同好毒嘅人！即使係自己老婆，佢都唔係好識得表白自己嘅愛意，因為佢係着白襪！」
陶傑仲話：「因為呢個原因，令到我因憐且愛，喺2017仲有呢個極品，應該係一個受保護嘅動物，如果10年之後Dickson仲係處男，我一定要發動一個登記聯合國文化遺產，將你登入！」聽完陶傑咁講，Dickson即擔心啲女聽才子話，唔俾佢追……
阿芝問Dickson有冇追求對象，佢話：「未有，我對上追人係兩年前嘅事，不過嗰陣係唔成功，我之所以俾人話係Dickson，咪就係標籤咗追女仔唔得囉！有邊個想同一個追女仔唔得嘅人喺埋一齊先？」阿芝聽完笑言：「我拒絕憐愛，係尊敬心情，守到係勁，o依家唔係淨係講佢守身如玉，係守住嗰個道德之高地，唔會金錢賣買？One night stand佢又唔鍾意。」
唔知佢又有冇試過追到手唔要？Dickson好認真答：「真係冇，除非連到手嗰意識都未有，我又冇試過俾人追。」跟住阿芝好抵死表示：「真係好勞氣！我成日話呢個節目應該叫『困lift』，點解要困住我哋兩個喺度講嘢！唔係啪啪聲，係嘭嘭聲，係頭撞牆呀！」結果Dickson話：「我會盡力周圍吸收，同宇宙合一，做番個真男人！」
本來阿芝有諗過介紹啲女仔朋友俾佢識，但係冇理由咪害咗自己嘅朋友？佢仲話：「怕佢破完一晚地獄之後，永恆都喺個地獄裏面，返唔到出嚟！我覺得佢應該為咗個節目，試吓搵個ptgf（兼職女友），試吓喺愛情係當中得到一點樂趣！」不過算自己幾咁守身如玉，但係Dickson話唔會要求對方都要係處女：「我唔會要求人哋係咁，可以幻想佢係！」
阿芝講到咁上下，仲幫Dickson平反：「因為好多人都唔想遷就、犧牲，反而係偏向獨立自主，仲有好多發達國家嘅人，唔想生小朋友，呢個係真，喺家庭觀念裏面，已經唔使再孭住傳宗接代呢個壓力。」Dickson亦話以前追女仔失敗係冇壓力，但係o依家嗰種失敗係有標籤：「o依家會俾人話係兵，追唔到係傻仔，一睇就知掂！當你不斷俾人嘲笑，咪只會更加驚，更加唔會向前行！」
髮型：Sam Pan of La Môd Salon
化妝：Micky Choy of such a good...
服裝提供：agnès b.、unEnding(專家Dickson)
喺節目裏面，Dickson分別會同佢哋兩個講一啲關於性嘅話題，用「毒男」嘅身份講吓自己嘅見解，阿芝一坐低就話Dickson好似有好多fans，點知Dickson話：「唔係，首先唔係幾多fans，我只係覺得佢哋係極有同情心嘅人，我諗佢哋去到嗰啲哋方，見到流浪貓流浪狗覺得好同情，見到我單身一個好可憐，咪同情下我啫。」點知阿芝話：「單身唔可憐，不過單身咗30幾年就係一個紀錄。」
有唔少人都質疑Dickson嘅身份，佢話：「o依家傳媒咁發達嘅情況下，加上人人都有手機，如果假嘅話實會揭穿。」陶傑接住開聲：「開頭都唔信，做吓節目同佢心理分析，發覺佢99.8係真，因為有好多心理行為，反映到嗰人嘅純真同純潔，你見佢着住白襪就知，你知最近都有一個男人着白襪，都廣受社會尊敬喇！你都知係邊一位啦，所以我都覺得佢係一個好戇居、好內向、好沉默寡言同好毒嘅人！即使係自己老婆，佢都唔係好識得表白自己嘅愛意，因為佢係着白襪！」
陶傑仲話：「因為呢個原因，令到我因憐且愛，喺2017仲有呢個極品，應該係一個受保護嘅動物，如果10年之後Dickson仲係處男，我一定要發動一個登記聯合國文化遺產，將你登入！」聽完陶傑咁講，Dickson即擔心啲女聽才子話，唔俾佢追……
阿芝問Dickson有冇追求對象，佢話：「未有，我對上追人係兩年前嘅事，不過嗰陣係唔成功，我之所以俾人話係Dickson，咪就係標籤咗追女仔唔得囉！有邊個想同一個追女仔唔得嘅人喺埋一齊先？」阿芝聽完笑言：「我拒絕憐愛，係尊敬心情，守到係勁，o依家唔係淨係講佢守身如玉，係守住嗰個道德之高地，唔會金錢賣買？One night stand佢又唔鍾意。」
唔知佢又有冇試過追到手唔要？Dickson好認真答：「真係冇，除非連到手嗰意識都未有，我又冇試過俾人追。」跟住阿芝好抵死表示：「真係好勞氣！我成日話呢個節目應該叫『困lift』，點解要困住我哋兩個喺度講嘢！唔係啪啪聲，係嘭嘭聲，係頭撞牆呀！」結果Dickson話：「我會盡力周圍吸收，同宇宙合一，做番個真男人！」
本來阿芝有諗過介紹啲女仔朋友俾佢識，但係冇理由咪害咗自己嘅朋友？佢仲話：「怕佢破完一晚地獄之後，永恆都喺個地獄裏面，返唔到出嚟！我覺得佢應該為咗個節目，試吓搵個ptgf（兼職女友），試吓喺愛情係當中得到一點樂趣！」不過算自己幾咁守身如玉，但係Dickson話唔會要求對方都要係處女：「我唔會要求人哋係咁，可以幻想佢係！」
阿芝講到咁上下，仲幫Dickson平反：「因為好多人都唔想遷就、犧牲，反而係偏向獨立自主，仲有好多發達國家嘅人，唔想生小朋友，呢個係真，喺家庭觀念裏面，已經唔使再孭住傳宗接代呢個壓力。」Dickson亦話以前追女仔失敗係冇壓力，但係o依家嗰種失敗係有標籤：「o依家會俾人話係兵，追唔到係傻仔，一睇就知掂！當你不斷俾人嘲笑，咪只會更加驚，更加唔會向前行！」
髮型：Sam Pan of La Môd Salon
化妝：Micky Choy of such a good...
服裝提供：agnès b.、unEnding(專家Dickson)
回應 (0)
