兩兄妹相親相愛張繼聰：等於爸爸嘅幸福

【蘋果日報】張繼聰同老婆謝安琪曾經被指係女尊男卑，但近年阿聰事業起飛，老婆今年3月又再為張家誕下囡囡張靖（Karina），同10歲囝囝張瞻(James），剛好湊夠個「好」字，一家四口仲住大埔比華利山4000呎獨立屋，絕對稱得上係人生勝利組。
阿聰前晚又係ig放閃，今次唔係晒同老婆有幾恩愛，而係對仔女有幾咁乖。影片中見到做哥哥嘅James拎住玩具不停轉同扮跌，連續玩咗好幾次，氹到妹妹Karina笑到咔咔聲。由於Karina只得8個月大，仲未坐得好穩陣，笑得動作太大時，身體傾前扶住哥哥隻腳仔，阿聰亦提醒哥哥要小心妹妹向後倒。唔少網民都大讚James係暖男哥哥，阿聰亦留言﹕「有個鍾意氹你嘅哥哥，同熱切畀反應嘅妹妹，等如爸爸嘅幸福。」