新聞類別
娛樂
詳情#
【蘋果日報】陳豪、陳茵媺（Aimee）同雷頌德夫婦噚日喺西九龍嘅酒店出席華為手機發佈會，陳豪同Aimee以情侶裝打扮現身，已經生咗三個小朋友嘅Aimee，以低胸黑色吊帶連身裙亮相，非常性感。
近日頻頻出擊嘅陳豪夫婦，直認多咗以夫妻檔搵錢，陳豪話：「Touch wood越嚟越多，都傾咗好多產品，多啲嚟密啲手，辛苦啲都冇所謂。拍廣告都有人傾過，都冇所謂。」不過講到一家五口出鏡，佢就話唔係好接受：「小朋友出鏡，作為爸爸嚟講未係時候，我哋幫小朋友影相都唔容易，一個周圍望、一個周圍走、一個周圍玩，我哋影一張相都要15至30分鐘時間，廣告可能要大個啲先，本身都鍾意幫小朋友打扮影相，萬聖節都有幫佢哋影。」
非賣弄性感
講到三個仔女嘅個性，陳豪話囝囝比較活躍，細女就嗲啲，佢仲好自豪咁話：「囡囡抱到好實，算唔算嗲吖？係feel到好愛嘅感覺，大仔其實都好嗲，似媽咪。」至於Aimee嘅裝束，佢就話打扮唔係好性感：「以健康性感為主，好開心可以着靚衫。」陳豪大讚老婆回復狀態，自然要展示一下畀人睇，佢認為只要係靚，賣弄性感唔係暴露就得。
撰文：馮仁昭
近日頻頻出擊嘅陳豪夫婦，直認多咗以夫妻檔搵錢，陳豪話：「Touch wood越嚟越多，都傾咗好多產品，多啲嚟密啲手，辛苦啲都冇所謂。拍廣告都有人傾過，都冇所謂。」不過講到一家五口出鏡，佢就話唔係好接受：「小朋友出鏡，作為爸爸嚟講未係時候，我哋幫小朋友影相都唔容易，一個周圍望、一個周圍走、一個周圍玩，我哋影一張相都要15至30分鐘時間，廣告可能要大個啲先，本身都鍾意幫小朋友打扮影相，萬聖節都有幫佢哋影。」
非賣弄性感
講到三個仔女嘅個性，陳豪話囝囝比較活躍，細女就嗲啲，佢仲好自豪咁話：「囡囡抱到好實，算唔算嗲吖？係feel到好愛嘅感覺，大仔其實都好嗲，似媽咪。」至於Aimee嘅裝束，佢就話打扮唔係好性感：「以健康性感為主，好開心可以着靚衫。」陳豪大讚老婆回復狀態，自然要展示一下畀人睇，佢認為只要係靚，賣弄性感唔係暴露就得。
撰文：馮仁昭
回應 (0)
