張達明患癌後暴瘦得排骨靠針灸醫手腳麻痹

【蘋果日報】張達明01年同心理醫生何念慈結婚，婚後10年，達Ming演畢舞台劇《花心大丈夫2》後，因為咳嗽同痰有血，繼而身體檢查發現患上鼻咽癌二期。
身體狀況突然轉差，達Ming幸獲何念慈支持下接受化療，甚至有報道指因醫藥費高昂，達Ming同何念慈趁市道好，出售西貢獨立屋，套現超過2,000萬，最終大步欖過。達Ming與何念慈的關係卻突然180度轉變，上年8月宣佈已分開，兩人於聯合聲明中指「曾經在患難中互相扶持鼓勵，經歷起起跌跌，關係深厚。」可惜兩人對「人生的詮釋」有別，決定改變相處形式，選擇分居。
醫療期間，達Ming嚴重消瘦，復原後全面復出工作，曾於一次抗癌分享講座中表示有後遺症－手腳麻痹同鼻竇炎。同時又有報道指達Ming除咗接受一般化療，亦試過電療同火療，不過佢就解釋睇中醫係醫鼻竇炎，手腳麻痹就靠針灸同物理治療。