新聞類別
娛樂
詳情#
【蘋果日報】杜汶澤自導自演的電影《空手道》，前晚在金鐘舉行首映，他與鄧麗欣、倉田保昭和歐錦棠等現身。阿澤日前到商台為《空》片宣傳，接受商台監製梁泰來（Terry）訪問時，不屑被對方揶揄，阿澤在facebook爆seed鬧Terry是「契弟」。商台首席智囊陳志雲前晚和愛將Terry到灣仔出席已故商台創辦人何佐芝孫女何鳳蓮畫展時，出口為Terry解圍。
「尷尬我咪好唔得閒」
在首映上，問阿澤可會跟Terry破冰？他連講兩次：「大家男人唔使講呢啲嘢！」陳志雲指下周會原汁原味播節目，阿澤聽後只「哦」了一聲，再補充：「個電台係佢，佢鍾意播乜就播乜。」可會邀兩人欣賞電影？阿澤說：「Terry做訪問前已睇咗。」阿澤表示跟Terry再見面不會尷尬：「我喺香港有咁多敵人，如果要尷尬我咪好唔得閒？」會打招呼嗎？阿澤說：「我唔會，香港咁多敵人，如果個個打招呼我咪好唔得閒？」
另一邊廂，陳志雲被問到阿澤不滿Terry一事回應：「好小事，可能表達上面有誤會，講嘅冇心，聽者有意，阿澤唔開心，我相信過幾日就冇嘢，如果唔係就會影響到健康。Terry之前都有喺節目講過，如果令到大家唔開心，佢表示歉意。」記者提議他邀阿澤做訪問，陳志雲笑言：「我嗰個時事節目嚟㗎，不過有啱嘅題目都可以嘅。」陳志雲表示阿澤沒有就此事聯絡，同場的Terry則未有受訪。
鄧麗欣獲雜誌表揚
此外，鄧麗欣在《空》片的表現獲權威電影雜誌《Hollywood Reporter》盛讚「從影以來最好表現」，她說：「受寵若驚，我唔夠膽咁講，不過今次係從影以來最擺心機、最花體力同精神，預備時間最長，投入程度都係一樣。」
採訪：張俊銘、馬建華
攝影：陳慧安、林嘉銘
「尷尬我咪好唔得閒」
在首映上，問阿澤可會跟Terry破冰？他連講兩次：「大家男人唔使講呢啲嘢！」陳志雲指下周會原汁原味播節目，阿澤聽後只「哦」了一聲，再補充：「個電台係佢，佢鍾意播乜就播乜。」可會邀兩人欣賞電影？阿澤說：「Terry做訪問前已睇咗。」阿澤表示跟Terry再見面不會尷尬：「我喺香港有咁多敵人，如果要尷尬我咪好唔得閒？」會打招呼嗎？阿澤說：「我唔會，香港咁多敵人，如果個個打招呼我咪好唔得閒？」
另一邊廂，陳志雲被問到阿澤不滿Terry一事回應：「好小事，可能表達上面有誤會，講嘅冇心，聽者有意，阿澤唔開心，我相信過幾日就冇嘢，如果唔係就會影響到健康。Terry之前都有喺節目講過，如果令到大家唔開心，佢表示歉意。」記者提議他邀阿澤做訪問，陳志雲笑言：「我嗰個時事節目嚟㗎，不過有啱嘅題目都可以嘅。」陳志雲表示阿澤沒有就此事聯絡，同場的Terry則未有受訪。
鄧麗欣獲雜誌表揚
此外，鄧麗欣在《空》片的表現獲權威電影雜誌《Hollywood Reporter》盛讚「從影以來最好表現」，她說：「受寵若驚，我唔夠膽咁講，不過今次係從影以來最擺心機、最花體力同精神，預備時間最長，投入程度都係一樣。」
採訪：張俊銘、馬建華
攝影：陳慧安、林嘉銘
回應 (0)
