新聞類別
娛樂
詳情#
【蘋果日報】原是創作歌手的張繼聰幾年前在《老表，你好嘢！》中憑爆肌、搞笑爆紅，成功在電視及電影圈殺出血路。阿聰昨日凌晨在facebook貼出老婆謝安琪（Kay）在「2009年度叱咤樂壇頒獎典禮」獲得女歌手銀獎的片段，並自爆當時與Kay都患有抑鬱症，他形容當時在鏡頭前表現輕鬆，但生理及心理皆異常辛苦。
望助情緒病友
阿聰文中透露：「片中所見嘅我，其實當時食行藥，所以好口乾、好頭暈、好攰，個cam又起勢隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會俾人點嘲笑……同時台上嘅太太，成晚雖然得到好多個獎，其實當時嘅佢抑鬱病都好猛烈，承受好大嘅壓力。」原來當時阿聰和Kay同時患情緒病，相信來自被指「女尊男卑」，而Kay屢受整容傳聞、走音是非困擾。
昨日阿聰接受電話訪問回應表示，貼文是希望幫助香港有情緒病朋友，他說：「希望透過自己經歷，畀到少少鼓勵或者能量，一啲可能經歷緊唔開心嘢嘅朋友。」他希望香港人生活得開心點，因為「開心」是可以傳染。
執房比喻治病
阿聰透露先是靠藥物，之後禪修，又遇到好多人給予幫助，但最終都要靠自己放棄一些執着，他打比喻道：「如果你要間房陽光普照，你都要執乾淨間房。嗰幾年係執乾淨間房，審視乜嘢係重要，執乾淨之後，當陽光射入嚟，感覺好開心自在。」他忠告情緒病朋友，要當患病是個機會去執拾間房：「如果有啲嘢好痛苦，放低佢慢慢再去行。」
採訪：皓騫
望助情緒病友
阿聰文中透露：「片中所見嘅我，其實當時食行藥，所以好口乾、好頭暈、好攰，個cam又起勢隊住，同時又好感動，好替太太開心，好想抱住佢，再同時好驚好怕，好擔心食白果嘅我唔知又會俾人點嘲笑……同時台上嘅太太，成晚雖然得到好多個獎，其實當時嘅佢抑鬱病都好猛烈，承受好大嘅壓力。」原來當時阿聰和Kay同時患情緒病，相信來自被指「女尊男卑」，而Kay屢受整容傳聞、走音是非困擾。
昨日阿聰接受電話訪問回應表示，貼文是希望幫助香港有情緒病朋友，他說：「希望透過自己經歷，畀到少少鼓勵或者能量，一啲可能經歷緊唔開心嘢嘅朋友。」他希望香港人生活得開心點，因為「開心」是可以傳染。
執房比喻治病
阿聰透露先是靠藥物，之後禪修，又遇到好多人給予幫助，但最終都要靠自己放棄一些執着，他打比喻道：「如果你要間房陽光普照，你都要執乾淨間房。嗰幾年係執乾淨間房，審視乜嘢係重要，執乾淨之後，當陽光射入嚟，感覺好開心自在。」他忠告情緒病朋友，要當患病是個機會去執拾間房：「如果有啲嘢好痛苦，放低佢慢慢再去行。」
採訪：皓騫
回應 (0)
