郭富城祝福Lynn大肚

【蘋果日報】郭富城和舊愛熊黛林（Lynn）雖然已經緣盡，但兩人依然千絲萬縷，城城的寶貝女Chant剛兩個月大，Lynn前日在社交網認懷孕。昨晚就輪到城城孖老婆方媛（Moka）現身活動，出席新戲《破．局》在圓方舉行的好友場，更是城城首次帶老婆公開亮相。
當城城接受訪問時，Moka靜悄悄入場，記者發現她時，Moka都大方企定定影相。而城城被問知否Lynn有喜？他說：「如果大家有追蹤我嘅近況，都知道我忙緊拍戲，我冇乜留意同關注娛樂新聞，做呢行圈內朋友有好消息，我哋都會祝福。」而提到新戲時，城城表示：「要求拳拳到肉，自己墊晒pad，拍飛車戲仲炒車膝頭哥擦損晒，包紮完再拍，傷口拉到撕裂流血。」
城城最近就忙怕《全球通緝令》，跟梁朝偉合作，他說：「好欣賞對方，自己去唔同影展，都話最想同偉仔、發哥合作，我哋私下都有傾做運動。」
採訪：張俊銘
攝影：沈健程