韓媒擺烏龍稱言承旭復合林志穎：我該怎麼解釋呢

【蘋果日報】42歲嘅「黃金剩女」林志玲，日前被爆同言承旭秘密世紀復合，消息一出，唔少人都戥佢開心，仲有傳媒去搵林志玲嘅媽咪，睇吓佢點睇阿女嘅戀情。
林志玲工作室前晚喺微博發文，感謝各界嘅關心，仲話：「希望能夠多留一點空間給藝人保留隱私，有好消息姐姐會選擇大方和大家分享喜悅。也希望媒體朋友們不要再去打擾姐姐的家人和其他朋友。大家熱心的代替回應都不能代表姐姐的想法，工作室的發言才是姐姐官方回應哦！也謝謝所有替姐姐操心的朋友們！」
話晒林志玲同言承旭喺好多地方都有人認識，所以佢哋世紀復合，當然爭相報道，但係點解會關林志穎嘅事？
原來有韓國傳媒將林志玲當咗係林志穎，大字標題話「言承旭跟林志穎復合」，仲貼咗林志穎張相出嚟，可能係因為林志玲、林志穎嘅韓語發音相近，所以咪搞咗呢個美麗嘅誤會，林志穎前晚亦都留言話：「誤會可大了，我該怎麼解釋呢？只能說謝謝大家的祝福，哈哈。」
有網民留言話：「原來志玲姊姊是掩護你們的幌子！」亦有人搞笑咁祝福佢哋！