若月佑美內衣寫真白石麻衣話好色情

【蘋果日報】日本人氣組合乃木坂46近期風頭甚勁，主將白石麻衣寫真集《Passport》大賣24萬本，成為新一代寫真女王，近日佢就亮相雜誌《Weekly Playboy》同《FRIDAY》拍攝性感寫真，當中白石麻衣為《FRIDAY》拍攝嘅寫真就由為佢拍攝《Passport》嘅攝影師中村和孝操刀，被外界指係《Passport》嘅延續。
白石麻衣寫真大賣，令到唔少乃木坂成員都爭相出版個人寫真集，當中若月佑美就推出其首本寫真集《Palette》，仲為寫真去到西班牙取景。前日，若月佑美為寫真集出席東京嘅宣傳活動，提到要着住火辣內衣喺床上拍攝，若月佑美就話平日都係同成員一齊水着上陣，自己平日都好少着住內衣喺屋企行嚟行去，今次拍攝要長時間着住內衣，真係好尷尬，佢話連白石麻衣睇完之後，都話好色情。