《今生是第一次》人氣升28歲庭沼珉勁減22磅搣甩粗腿

【蘋果日報】由李民基、庭沼珉、A Pink成員普美、金玟錫等人主演嘅韓劇《今生是第一次》，現時喺韓國收費台tvN及香港Viu app熱播中，劇集前晚播出第12集，並將於本月28號播出大結局。
唔少睇開韓劇嘅觀眾發現現年28歲嘅庭沼珉越嚟越靚女，睇返佢初出道時嘅拍攝成名作《惡作劇之吻》嘅舊相時，不難發現佢雙腿粗壯不已，同其他韓國女星擁有長腿有好大差別。
不過最近追開《今生是第一次》嘅話就可以發現庭沼珉瘦身成功，原來庭沼珉花一年時由114磅成功減肥至92磅，即係用一年時間就瘦咗22磅。
至於佢用乜方法變靚啲，由於佢唔想靠醫學來減肥，所以庭沼珉就注重飲食控制，並會配合定期針灸、瑜珈等運動，令佢可以好健康咁瘦身，唔會因為瘦身而搞到臉無血色。