新聞類別
娛樂
詳情#
【蘋果日報】李家鼎（鼎爺）和譚玉瑛主持了兩輯《阿爺廚房》，他因在節目中展示失傳家常菜式而爆紅。兩個月前更和友人合作在銅鑼灣開設私房菜，未正式開業已經爆個滿堂紅，訂位去到明年2月。味道如何？麥玲玲日前就自掏腰包訂房試菜，888元至2,888元一位，她選了中間價1,288元，合共9道菜，連加一埋單約1萬7千元，麥玲玲說：「我同鼎爺合作過拍廣告，見佢炒麵都相當好，真係好難book㗎！等到頸都長。」
等足兩個月，終於有機會一嚐鼎爺手藝，麥玲玲約了林作、裕美及蔚雨芯一起試菜。食譜有一道「古法東星化成龍」，林作笑說：「我懷疑呢個名應該係有少少用影壇大哥，唔知係咪有秘史？」
專人講解
每次上菜，蔚雨芯和裕美都是相機食先，因為每碟的賣相不俗。其間，林作得知裕美剛識了位混血男友，即自誇：「我英文都好好㗎，有男朋友嘅女仔我都OK。」現場有專人講解製法，食到第7道菜，鼎爺終於現身，帶領眾人打爛隻「阿爺乞兒雞」，鼎爺說：「呢隻乞兒雞經過好多年嘅改良，用新舊荷葉包雞，再加埋上海大頭菜，外面再包酒釀，隻雞有酒香又有荷葉清香。」在座人士均大叫好juicy。
依足秘方
鼎爺開業後一直都冇放假，冇工開的日子就會落場，未必每道菜都會親自煮，但廚房就會依足秘方煮。鼎爺嘆氣謂：「瘦咗13磅！每晚都有三、六個人嚟踩場，四個大廚就係要睇我嘅蝦仁炒蛋，我煮畀佢哋食完，令佢哋冇嘢講！」說罷，鼎爺又忙着到另一圍枱款客。
採訪：嵐山、吉吉
攝影：沈健程
等足兩個月，終於有機會一嚐鼎爺手藝，麥玲玲約了林作、裕美及蔚雨芯一起試菜。食譜有一道「古法東星化成龍」，林作笑說：「我懷疑呢個名應該係有少少用影壇大哥，唔知係咪有秘史？」
專人講解
每次上菜，蔚雨芯和裕美都是相機食先，因為每碟的賣相不俗。其間，林作得知裕美剛識了位混血男友，即自誇：「我英文都好好㗎，有男朋友嘅女仔我都OK。」現場有專人講解製法，食到第7道菜，鼎爺終於現身，帶領眾人打爛隻「阿爺乞兒雞」，鼎爺說：「呢隻乞兒雞經過好多年嘅改良，用新舊荷葉包雞，再加埋上海大頭菜，外面再包酒釀，隻雞有酒香又有荷葉清香。」在座人士均大叫好juicy。
依足秘方
鼎爺開業後一直都冇放假，冇工開的日子就會落場，未必每道菜都會親自煮，但廚房就會依足秘方煮。鼎爺嘆氣謂：「瘦咗13磅！每晚都有三、六個人嚟踩場，四個大廚就係要睇我嘅蝦仁炒蛋，我煮畀佢哋食完，令佢哋冇嘢講！」說罷，鼎爺又忙着到另一圍枱款客。
採訪：嵐山、吉吉
攝影：沈健程
回應 (0)
