蕭正楠儲錢送翠如百萬戒指

【蘋果日報】蕭正楠和黃翠如昨晚情侶檔在沙田出席聖誕活動，兩人全程打情罵俏晒恩愛。活動上，聖誕老人搞氣氛給翠如送花，她說：「現實生活我唔鍾意收花。」蕭正楠表示會送仙人掌代替：「佢鍾意仙人掌，而且都襟擺，真係慳好多。」有指鄭裕玲在拍節目時，介紹蕭正楠買一枚價值百萬的戒指送翠如，他說：「等我儲吓錢先，翠如都唔係鍾意太貴重嘢。」翠如就笑說自己易養。


一個打八個

蕭正楠今年聖誕要拍劇無暇陪女友，翠如即許願：「希望聖誕有七個男人陪。」蕭正楠笑說：「我希望自己到時一個打七個，等佢願望達成唔到，我唔止打七個，我打八個，想連翠如都打埋。」翠如解畫指男伴是陸永、C君和洪永城等，蕭正楠搞笑謂：「照打，佢哋打少啲，打細力啲。」


此外，陳國邦為ViuTV拍劇兼宣傳，激嬲無綫，更被飛出旅遊節目《公公出埠》，蕭正楠說：「出發前先知佢冇得去，大家都唔想，合約嘢唔係好清楚，世界係圓，唔係咁就冇機會再合作。」


採訪：曹家誠

攝影：沈健程