新聞類別
娛樂
詳情#
【蘋果日報】陸駿光噚日喺元朗拍攝ViuTＶ新劇《Plan B》一場追殺戲時撞傷膝頭，皮開肉綻，結果要到醫院打破傷風針。
講起事發經過，陸駿光話：「嗰場戲講我要追殺一個人，喺深山入面，一action我就要走入坑渠入面追殺人，落去嗰吓，左腳落坑渠，右腳膝頭就撼埋去側邊個壆，嗰吓好痛，但一路拍緊，所以冇停繼續做埋落去。」
拍完場戲後，陸駿光即刻檢查傷勢，發現條褲爛咗，打開一睇見流咗好多血，同埋有啲白色嘢，初時以為見骨，就問劇組攞消毒藥水，佢話：「嗰刻都冇嘢，知道唔係太嚴重，諗住攞消毒藥水就算，繼續拍埋落去，但劇組話環境太污糟，驚我受感染，一定要去醫院。」
打破傷風針
陸駿光到醫院睇急症時，因為已經止咗血，負責分流嘅醫護人員都話唔係咁大件事，白色係肉，唔使縫針，打支破傷風針就得！攞完藥之後，佢就再去第二個外景地點繼續開工：「今日last day至見紅，真係搞笑。受傷後至知我哋拍嘅地方，原來有個祖墳喺度，我哋又一路唔小心踩到至會咁邪，同埋唔好意思，搞到人哋祖先。」
撰文：馮仁昭
講起事發經過，陸駿光話：「嗰場戲講我要追殺一個人，喺深山入面，一action我就要走入坑渠入面追殺人，落去嗰吓，左腳落坑渠，右腳膝頭就撼埋去側邊個壆，嗰吓好痛，但一路拍緊，所以冇停繼續做埋落去。」
拍完場戲後，陸駿光即刻檢查傷勢，發現條褲爛咗，打開一睇見流咗好多血，同埋有啲白色嘢，初時以為見骨，就問劇組攞消毒藥水，佢話：「嗰刻都冇嘢，知道唔係太嚴重，諗住攞消毒藥水就算，繼續拍埋落去，但劇組話環境太污糟，驚我受感染，一定要去醫院。」
打破傷風針
陸駿光到醫院睇急症時，因為已經止咗血，負責分流嘅醫護人員都話唔係咁大件事，白色係肉，唔使縫針，打支破傷風針就得！攞完藥之後，佢就再去第二個外景地點繼續開工：「今日last day至見紅，真係搞笑。受傷後至知我哋拍嘅地方，原來有個祖墳喺度，我哋又一路唔小心踩到至會咁邪，同埋唔好意思，搞到人哋祖先。」
撰文：馮仁昭
回應 (0)
