自爆幫老婆洗底褲好老公劉愷威：很順手的事

【蘋果日報】劉愷威與內地女星楊冪結婚4年，育有3歲大囡囡小糯米，由於兩夫妻各有各忙，經常分隔兩地，婚變傳聞真係聽到有啲厭。
不過，近日網上瘋傳一段劉愷威昔日受訪嘅恩愛片段，見劉愷威一邊縫公仔，一邊回答主持人問題。面對主持人不停提問，愷威都有問必答，仲大爆同太太之間嘅閨房小秘密。被問到與太太親密舉動，愷威略帶怕醜咁話：「會親一下，也不只一下！」再被問到會唔會幫楊冪洗內衣褲？愷威亦淡定回應：「洗過，很順手的事。」
當主持人問到用女王、公主、管家、保姆邊個詞語嚟形容楊冪最貼切？劉愷威秒速回答：「保姆。」佢話老婆乜都好，最大嘅缺點就係太忙。而佢同太太之間都冇乜秘密，連手機密碼都知道，楊冪都睇過佢嘅手機內容。另外，仲有提到囡囡小糯米，劉愷威笑話﹕「糯米還在產房的時候，初吻已被我奪走了。」