張國榮做媒人拉近關係

【蘋果日報】翁靜晶十多歲便和劉家良相識，當年43歲的劉家良在酒店門外與她邂逅，兩年後在邵氏化妝間重逢，翁靜晶受訪時說：「我哋一見鍾情咗好耐，係張國榮（Leslie）令大家拉近咗。」
原來翁靜晶當年和Leslie拍《楊過與小龍女》被龍虎武師整蠱，吊威吔飛埋牆受傷，翁靜晶說：「後來Leslie諗條橋話認劉家良做契爺，嗰班友真係唔夠膽恰喎。我咪又諗吓認乜囉，走去同劉師傅講，認你做男朋友得唔得？佢話是但啦，佢係仗義幫忙，唔係我哋真係吃盡苦頭。」
此外，劉師傅花名「細B」亦有段古，翁靜晶笑謂：「有次我哋去菲律賓失散咗，商場管理處只係幫手搵細路哥，我靈機一觸話佢叫細B，跟住佢認到我把聲就識嚟搵我，哈哈！」