新聞類別
娛樂
詳情#
【蘋果日報】由9歲到11歲，翁靜晶形容自己喺一間「弊過女童院」嘅貴族寄宿學校，過咗兩年非人生活，「差唔多完全就好似拍電影入面嗰種求生者。
「你由一個婆婆好錫你嘅環境，咁樣送咗去，真係一夜之間。」唔反抗咩？以翁靜晶性格，唔反抗？都話咗翁靜晶當年得9歲，頂盡11歲，對手個個大人，或者是年紀稍大的枱長，點反抗？「如果你去到嗰個環境，你又可以點呢？反抗又無能力。」
不過咁，唔夠佢哋打啫，但挑戰權威嘅基因，係有嘅，只需量力而為。「我由細到大都係一個好挑戰權威嘅小朋友，我喺我能力底下去挑戰權威，譬如你用板球棍打我四十幾下，我挑戰權威，就係我唔求饒，『你打死我啦！』打死我，仲有千千萬萬嘅我，就係呢種態度。」
翁靜晶講起自己細個威水史眉飛色舞，但佢都好清楚：「其實呢啲細蚊仔係最唔著數。」
挑戰權威的精神，亦體現在緊張而淡泊的母女關係。「我媽媽係比較重男輕女一啲，我細佬就係坐的士返學，我就係坐巴士返學。有一次呢，我跌咗個斗零落坑渠，我就好大件事，因為我去咗紅磡補習，我係由紅磡行返去尖沙嘴，我記得我行咗好多個鐘頭。」
「你問我有冇反抗呢，我有反抗嘅。就係因為我反抗得太多，我好乞人憎囉喺佢眼中。」點反抗？「譬如佢鬧你，佢講咗啲嘢，我係唔同意嘅，我會擰轉面就行咗去囉。佢就係唔鍾意呢種態度。」知己知彼。
「我係唔會駁嘴，因為駁嘴打梗嘅。」套用翁靜晶的sound bite：「有用腦0架嘛！」
母女終極一戰，發生在14歲那年。「我真係終極反抗，鬧番轉頭，我好大聲話我媽媽，仲要係，嗰陣時有啲人喺屋企，佢啲朋友。我話，『鬧鬧鬧！你淨係識得鬧！』我就講完呢句之後，就離開咗呢個屋企，冇再返過去。」
「我由14歲出咗嚟之後，到依家53歲，都冇返過去喇。」
記者：嵐山、馮國康、倩宜
攝錄：馮峰、卓振輝
攝影：陳俊強
「你由一個婆婆好錫你嘅環境，咁樣送咗去，真係一夜之間。」唔反抗咩？以翁靜晶性格，唔反抗？都話咗翁靜晶當年得9歲，頂盡11歲，對手個個大人，或者是年紀稍大的枱長，點反抗？「如果你去到嗰個環境，你又可以點呢？反抗又無能力。」
不過咁，唔夠佢哋打啫，但挑戰權威嘅基因，係有嘅，只需量力而為。「我由細到大都係一個好挑戰權威嘅小朋友，我喺我能力底下去挑戰權威，譬如你用板球棍打我四十幾下，我挑戰權威，就係我唔求饒，『你打死我啦！』打死我，仲有千千萬萬嘅我，就係呢種態度。」
翁靜晶講起自己細個威水史眉飛色舞，但佢都好清楚：「其實呢啲細蚊仔係最唔著數。」
挑戰權威的精神，亦體現在緊張而淡泊的母女關係。「我媽媽係比較重男輕女一啲，我細佬就係坐的士返學，我就係坐巴士返學。有一次呢，我跌咗個斗零落坑渠，我就好大件事，因為我去咗紅磡補習，我係由紅磡行返去尖沙嘴，我記得我行咗好多個鐘頭。」
「你問我有冇反抗呢，我有反抗嘅。就係因為我反抗得太多，我好乞人憎囉喺佢眼中。」點反抗？「譬如佢鬧你，佢講咗啲嘢，我係唔同意嘅，我會擰轉面就行咗去囉。佢就係唔鍾意呢種態度。」知己知彼。
「我係唔會駁嘴，因為駁嘴打梗嘅。」套用翁靜晶的sound bite：「有用腦0架嘛！」
母女終極一戰，發生在14歲那年。「我真係終極反抗，鬧番轉頭，我好大聲話我媽媽，仲要係，嗰陣時有啲人喺屋企，佢啲朋友。我話，『鬧鬧鬧！你淨係識得鬧！』我就講完呢句之後，就離開咗呢個屋企，冇再返過去。」
「我由14歲出咗嚟之後，到依家53歲，都冇返過去喇。」
記者：嵐山、馮國康、倩宜
攝錄：馮峰、卓振輝
攝影：陳俊強
回應 (0)
