新聞類別
港聞
詳情#
【蘋果日報】香港人都說想移民，要出走，女人四十的香涓子（Cherry）身體力行，出走老早實現民主選舉，就連同性婚姻、安樂死都合法化的自由國荷蘭，為的卻是愛情。「連強積金都攞番晒，去咗先算」。只是十年過去，愛情沒有了，這個烈女卻選擇留下來，在阿姆斯特丹開設網上旅行社，接待旅居荷蘭工作的異鄉人。「無咗愛情，我還有很多」。週遊列國，回到久違的香港，38歲才在異鄉創業由零開始，女人四十當自強，這個自言對愛情仍有憧憬的港女，笑說人生永不會太遲。
記者呂麗嬋
相約Cherry接受訪問，她說不如在黃埔。「依家寄住妹妹黃埔嘅屋企，喺香港係無家可歸」。她吐吐舌，久別香港，回來只為參加弟弟的婚宴。「荷蘭好多運河，望住會諗起維港；返到香港，又會掛住荷蘭」。有北方威尼斯之稱的荷蘭，沒有高山，四份一國土浸沒在海平線以下，由茫無頭緒分不清西東，到成為荷蘭通帶旅客週圍去，她說過程有血有汗。「畢竟當年係為一個人而去，唔係為個地方去，對荷蘭認識好有限」。常因名字被誤以為是日本人，她說涓子代表「細的水流」，不違言一直渴望細水長流的愛情。
辭去香港大公司市場銷售的工作，遠走他鄉，曾幾何時，她為的，是以為可以捉得緊的愛情。「嗰時啱啱30歲，拍咗拖一段時間，覺得係適合時間」。父母早年離婚，五兄弟姐妹之中排行第二，在台灣及澳洲讀大學的她，自小獨立，家人都習慣她四海為家，當時愛得癡纏的男友，是荷蘭土生土長的華僑，來港實習結緣，由同事到戀人，愛情來了，擋不住。「嗰間推廣公司係我大學畢業後做嘅第一間公司，我係正職佢係實習」。
曾經分開又走在一起，2007年，正處「29+1」的關口，她決定展開人生新一頁。「喺荷蘭，工時短，居住環境好，但生活節奏比較慢，機會亦無香港咁多」。半夜餓了，在香港，一下樓「總有一間喺左近」；網絡接收不好，打24小時熱線，第二日已有人上門檢查。在荷蘭，這一切是天方夜譚。只是，被西方社會視作自由主義燈塔的荷蘭，就是充滿神秘：大麻咖啡館開遍大街之上，紅燈區的櫥窗女郎任君選擇，荷蘭是最早有民主選舉，也是全球率先把同性婚姻和安樂死合法化的國家。
但Cherry直言，由如走進「大觀園」的旅客，變為人生路不熟的新移民，身份不同，心情亦不同。「好多人以為荷蘭人好開放又好濫交，其實嗰啲大麻coffee shop，都係旅遊點，法國人德國人楂車過嚟食，我認識的荷蘭人反而好少掂，佢哋生活簡單，廿幾歲就生仔，尤其喺小鎮生活，朋友一隻手數晒」。在荷蘭，Cherry說同居與結婚一樣看待，3年或以上已可申請入藉或長期居留。「考埋個荷蘭文的語言考試，基本上就可自由找工作」。由不適應到成為一份子，千難萬難，但她苦笑謂難不過維繫一段關係。
「大家性格太似，好多衝突，拖拉咗幾年都係分手收場」。沒了愛情，走進人生低谷，試過短暫回港又不適應，自覺前無退路。「有段時間係好迷失，喺外國，好多城市都好興walking tour，透過facebook搞咗個免費tour，第一次就有16個人嚟，大部份係中國留學生，其餘就係想認識中國文化的荷蘭人」。走出虛擬世界，她發現自己說話，竟然有人留心聽；搞爛gag說笑話，又會有人大笑，最開心是認識了來自五湖四海的朋友，擴大了社交圈子，感覺不再孤單。
「嗰時我就諗，若可以此為業，應該幾開心」。事實上，社交平台讓創業門檻大大降低，在荷蘭，帶團無需導遊牌，申請商業登記就可，自言「無嘢好輸」的她，遂開始以「Cherrytravel」名義，搞荷蘭本地遊，甚至跨境到鄰國比利時及德國深度遊，目標顧客對準旅居荷蘭工作的異鄉人。「第一個過境團係去德國的杜塞爾多夫，嗰度有個日本城好有特色，有成50人報名，參加嘅人來自不同國家，共通點係大家喺本地都無咩朋友。」
透過網絡平台如tripadvisor收客，口耳相傳，一盤無心插柳的生意，由最初只週六日開團，擴展至週一至週五，成為她新的事業。「呢份，係我夢想嘅工作，叫做收支平衡，賺到自己份人工，但好多嘢唔可以用錢衡量」。女人四十當自強，她笑說人生永不會太遲。「我同我嘅ex，喺荷蘭有隻分手前共養的貓，依家我帶團就佢照顧，佢唔喺荷蘭就我照顧」。再見亦是朋友，無需高唱活得比你好，Cherry笑說只因已學懂放下，走出香港，為自己而活。
記者呂麗嬋
相約Cherry接受訪問，她說不如在黃埔。「依家寄住妹妹黃埔嘅屋企，喺香港係無家可歸」。她吐吐舌，久別香港，回來只為參加弟弟的婚宴。「荷蘭好多運河，望住會諗起維港；返到香港，又會掛住荷蘭」。有北方威尼斯之稱的荷蘭，沒有高山，四份一國土浸沒在海平線以下，由茫無頭緒分不清西東，到成為荷蘭通帶旅客週圍去，她說過程有血有汗。「畢竟當年係為一個人而去，唔係為個地方去，對荷蘭認識好有限」。常因名字被誤以為是日本人，她說涓子代表「細的水流」，不違言一直渴望細水長流的愛情。
辭去香港大公司市場銷售的工作，遠走他鄉，曾幾何時，她為的，是以為可以捉得緊的愛情。「嗰時啱啱30歲，拍咗拖一段時間，覺得係適合時間」。父母早年離婚，五兄弟姐妹之中排行第二，在台灣及澳洲讀大學的她，自小獨立，家人都習慣她四海為家，當時愛得癡纏的男友，是荷蘭土生土長的華僑，來港實習結緣，由同事到戀人，愛情來了，擋不住。「嗰間推廣公司係我大學畢業後做嘅第一間公司，我係正職佢係實習」。
曾經分開又走在一起，2007年，正處「29+1」的關口，她決定展開人生新一頁。「喺荷蘭，工時短，居住環境好，但生活節奏比較慢，機會亦無香港咁多」。半夜餓了，在香港，一下樓「總有一間喺左近」；網絡接收不好，打24小時熱線，第二日已有人上門檢查。在荷蘭，這一切是天方夜譚。只是，被西方社會視作自由主義燈塔的荷蘭，就是充滿神秘：大麻咖啡館開遍大街之上，紅燈區的櫥窗女郎任君選擇，荷蘭是最早有民主選舉，也是全球率先把同性婚姻和安樂死合法化的國家。
但Cherry直言，由如走進「大觀園」的旅客，變為人生路不熟的新移民，身份不同，心情亦不同。「好多人以為荷蘭人好開放又好濫交，其實嗰啲大麻coffee shop，都係旅遊點，法國人德國人楂車過嚟食，我認識的荷蘭人反而好少掂，佢哋生活簡單，廿幾歲就生仔，尤其喺小鎮生活，朋友一隻手數晒」。在荷蘭，Cherry說同居與結婚一樣看待，3年或以上已可申請入藉或長期居留。「考埋個荷蘭文的語言考試，基本上就可自由找工作」。由不適應到成為一份子，千難萬難，但她苦笑謂難不過維繫一段關係。
「大家性格太似，好多衝突，拖拉咗幾年都係分手收場」。沒了愛情，走進人生低谷，試過短暫回港又不適應，自覺前無退路。「有段時間係好迷失，喺外國，好多城市都好興walking tour，透過facebook搞咗個免費tour，第一次就有16個人嚟，大部份係中國留學生，其餘就係想認識中國文化的荷蘭人」。走出虛擬世界，她發現自己說話，竟然有人留心聽；搞爛gag說笑話，又會有人大笑，最開心是認識了來自五湖四海的朋友，擴大了社交圈子，感覺不再孤單。
「嗰時我就諗，若可以此為業，應該幾開心」。事實上，社交平台讓創業門檻大大降低，在荷蘭，帶團無需導遊牌，申請商業登記就可，自言「無嘢好輸」的她，遂開始以「Cherrytravel」名義，搞荷蘭本地遊，甚至跨境到鄰國比利時及德國深度遊，目標顧客對準旅居荷蘭工作的異鄉人。「第一個過境團係去德國的杜塞爾多夫，嗰度有個日本城好有特色，有成50人報名，參加嘅人來自不同國家，共通點係大家喺本地都無咩朋友。」
透過網絡平台如tripadvisor收客，口耳相傳，一盤無心插柳的生意，由最初只週六日開團，擴展至週一至週五，成為她新的事業。「呢份，係我夢想嘅工作，叫做收支平衡，賺到自己份人工，但好多嘢唔可以用錢衡量」。女人四十當自強，她笑說人生永不會太遲。「我同我嘅ex，喺荷蘭有隻分手前共養的貓，依家我帶團就佢照顧，佢唔喺荷蘭就我照顧」。再見亦是朋友，無需高唱活得比你好，Cherry笑說只因已學懂放下，走出香港，為自己而活。
回應 (0)
