姜大衛悼拍檔：佢份人好開心

【蘋果日報】姜大衛曾與井莉合作過電影《馬永貞》、《刺馬》及《孔雀王朝》，對於老拍檔離世，他昨在電話表示：「佢份人好開心，大家傾戲研究點做，喺片場好開心，可能年齡相若，特別好傾。」姜大衛指多年未見井莉，但幾年前曾在超巿購物時相遇：「我哋有打招呼，嗰次都好耐啦。」
另一位與井莉合作多部電影的劉永昨在電話中說：「我哋第一部合作本來係楚原嘅《流星蝴蝶劍》，我本來係主角，第一晚仲同佢（井莉）開工，我騎住隻馬帶佢走，但後來邵氏杯葛我哋嘉禾人，我就冇得拍。但之後我哋仲有合作，我做陸小鳳。」劉永大讚井莉為人：「好人，佢喺片廠好講得笑，同我哋好玩得。好唔開心，走咗好多邵氏人。」邵氏前武指唐佳也說：「咁陰功，我唔知，好耐冇聯絡。」
採訪：楊定、何永寧、魯吉