新聞類別
娛樂
詳情#
【蘋果日報】恒基千億新抱徐子淇早前以香港救助兒童會贊助人身份去老撾，今次更與十歲大女李晞彤（Leanna）、八歲二女李晞兒（Hayley）與六歲兒子李俊熹（Triston）同行，四人去了當地鄉郊地區小學、流動診所及醫院探訪。子淇與兩名囡囡穿上當地紅噹噹民族服裝，三名子女與當地兒童一同玩耍。
學懂更加珍惜
子淇到當地一間小學探訪，獲小朋友熱情款待為她搞歡迎會，更分享因生活條件困難，而利用水樽、樽蓋和小氣球自製成玩具車，舉行模擬賽車比賽。Leanna表示體會到當地設施不足：「睇到佢哋要自製臨時水龍頭洗手，唔似我哋咁方便，我學會更加珍惜。」Hayley就指：「學校只有三個老師，所有年紀嘅小朋友要一齊上課，無分班級。雖然我哋唔識佢哋語言，但同佢哋一齊睇圖畫，都好高興。」對於今次探訪，子淇見到子女同當地小朋友打成一片，直言感動，但亦感觸當地小朋友在營養、教育及醫療方面都缺乏，老撾兒童相比香港小朋友的身形明顯細小。
目睹出生感觸
此外，子淇跟義工探訪醫院，與醫務人員交談後，知道好多BB營養不良，死亡率高，她說：「有啲迷信家庭更唔會為BB改名，驚佢哋不幸夭折，會覺得好難過、唔捨得，我探訪轉介醫院時感觸良多，親眼目睹兩名BB出生，亦睇到有孕婦喺懷孕晚期流產嘅悲劇，令人心痛，救助兒童會就同社區、鄉村嘅領導合作，教育年輕媽咪喺懷孕期間點照顧自己，同去醫院分娩嘅重要性，因為當地好多婦女嘗試自行喺屋企分娩，而導致意外。」
撰文：唐如
學懂更加珍惜
子淇到當地一間小學探訪，獲小朋友熱情款待為她搞歡迎會，更分享因生活條件困難，而利用水樽、樽蓋和小氣球自製成玩具車，舉行模擬賽車比賽。Leanna表示體會到當地設施不足：「睇到佢哋要自製臨時水龍頭洗手，唔似我哋咁方便，我學會更加珍惜。」Hayley就指：「學校只有三個老師，所有年紀嘅小朋友要一齊上課，無分班級。雖然我哋唔識佢哋語言，但同佢哋一齊睇圖畫，都好高興。」對於今次探訪，子淇見到子女同當地小朋友打成一片，直言感動，但亦感觸當地小朋友在營養、教育及醫療方面都缺乏，老撾兒童相比香港小朋友的身形明顯細小。
目睹出生感觸
此外，子淇跟義工探訪醫院，與醫務人員交談後，知道好多BB營養不良，死亡率高，她說：「有啲迷信家庭更唔會為BB改名，驚佢哋不幸夭折，會覺得好難過、唔捨得，我探訪轉介醫院時感觸良多，親眼目睹兩名BB出生，亦睇到有孕婦喺懷孕晚期流產嘅悲劇，令人心痛，救助兒童會就同社區、鄉村嘅領導合作，教育年輕媽咪喺懷孕期間點照顧自己，同去醫院分娩嘅重要性，因為當地好多婦女嘗試自行喺屋企分娩，而導致意外。」
撰文：唐如
回應 (0)
