紅館唔批　陳曉東要請願

【蘋果日報】陳曉東前晚在新城接受電台訪問，東東表示入紙紅館開演唱會多年，音訊全無，現在明年2月先在澳門開騷，至於主場香港，他說：「已經入咗紙紅館，但唔知幾時批，已經入咗好多年，再唔批我叫啲fans拉橫額去請願。咁今次其實唔急，因為係簽咗巡迴，所以冇限期，內地都傾緊，如果公司叫我去印度我都去！」


婚後的東東都是以拍劇為主，問到可有時間照顧小朋友，他說：「太太好體諒，就算要拍攝床上戲都唔使報案，佢哋會嚟探班，我一有時間就會返屋企，維持簡單生活，唔再夜蒲。自己唔鍾意，好多煙，我又唔飲得，鍾意返屋企睇小朋友。」最近東東表示推了多套青春劇，因為現階段他希望接拍一些富有代表性的角色。


採訪、攝影：王連連