新劇收視差　李司棋難理解

【蘋果日報】李司棋、夏雨、關菊英、米雪、王浩信、黃宗澤和黃翠如主演的無綫劇集《溏心風暴3》，上周跨平台的平均收視僅21.5點，約140萬觀眾，更友不少網民指感染力不及當年《溏心》、《溏心2》。
李司棋前日接受傳媒訪問時說：「呢個真係好抓頭，我成個屋苑啲人都話有睇，點解會咁奇怪，真係唔明，依家啲收視有咁多障礙，真係好難理解。好彩我哋依家唔使理呢啲，盡力做好佢，幫手做多啲宣傳。」李司棋續說：「《溏心》係好睇，但係我都會話佢有少少做戲咁做、《溏心2》都好厲害，你諗吓一個好朋友，可以搶走你老公，仲打包埋啲仔女，但係今次唔係用呢啲手法，嚟嚟去去都係講兩頭家，要慢慢谷套戲。」
採訪：唐心悠