吳肇軒向偉仔進發

【蘋果日報】劉嘉玲與吳肇軒經過合作拍攝電影《以青春的名義》後互相認識不少，在訪問中沒芥蒂地互問問題加深了解。
吳：吳肇軒
劉：劉嘉玲
吳：你接受到細自己幾多嘅異性？
劉：越細越好啦！證明我吸引力仲喺度，年齡唔係問題，兩個人激發一齊進步好緊要，千祈唔好話唔鍾意邊類型。以我經驗，越話唔鍾意，嗰個人就越會出現喺你面前，又唔知點解鍾意咗。
吳：我主要睇鍾唔鍾意，鍾意就唔介意年齡，最多睇吓點說服父母。
吳：拍呢齣戲最大嘅難題？
劉：係資金。
吳：我覺得最大嘅難題係中cast（被挑選為主演），近乎中獎。
吳：如果唔係我拍，會揀邊個做你對手？
劉：我最近拍咗齣戲叫《阿修羅》，裏面有個小朋友，佢係2000年出生，都好啱做呢個角色。
吳：（不敢作聲）
劉：有冇計劃未來目標？我話你似梁朝偉，你會到達佢乜嘢成就？
吳：一步一步做，太大太遠，立心有幾大，就要做到幾大，我會鞭策自己努力多一百倍。
劉：起步你就冇輸，同佢（梁朝偉）差唔多。
吳：如果你冇做演員，最可能係做乜嘢職業？
劉：我會去做同藝術創意有關嘅嘢，我思想嚮往自由，鍾意天花龍鳳一啲幻想嘗試，刻板工作唔係好啱我做。