簡淑兒參選港姐16強不入等多四年變女神

【蘋果日報】簡淑兒喺12年參加香港小姐，但未入到最後16強就已經被淘汰，同咪神陳婉衡一齊落榜。
不過呢個時候輸咗，唔代表之後冇機會嘅，簡淑兒上年長壽劇《愛回家．八時入席》演出，月亮眼配娃娃臉，有人就喺佢身上面搵到仙氣，即刻又有一位女神誕生喇。
榮登神枱後，有人就問，點解咁靚當年入選唔到港姐先？甚至拎出舊相對比，質疑佢「外表進化」，簡淑兒就澄清，有人用人生中影得最醜同最靚嘅相做對比，有次活動仲即場揑鼻，以正視聽。
對於女神稱號，簡淑兒本人其實唔認同，甚至有首歌《我不是女神》嚟剖白，佢亦話過：「我好驚，呢個名令大家對我期好高，擘脾坐呀、食臭豆腐嗰啲，諗都唔使諗。」除咗呢啲，佢話本時男仔頭，又鍾意飲啤酒，一啲都冇女神feel。