留港日子唔預女友林峯冇嘢講千語似分手

【蘋果日報】岑麗香、何傲兒、雷莊兒及靚媽陳爽等昨日無懼寒風，拋胸現身沙田馬場出席「六福珠寶賽馬日」，同場還有林峯、「莊氏三姊妹」莊思敏、莊思明及莊思華等。近年主力在內地拍劇的林峯，與女友吳千語各有各忙，早年二人熱戀時愛得非常癡纏，林峯曾在記者面前不怕肉麻說：「我好愛、好愛、好愛、好愛、好愛、好愛、好愛BB！」
香香要強強攬
今個聖誕節，林峯揚言不會與千語度過，而原來本月8日38歲生日的林峯，亦只跟家人慶祝，女友人不到禮亦無到。林峯提到明年會更多時間留港拍劇，問到屆時是否可以有多些時間陪女友？他卻謂：「千語到時唔喺香港，會努力工作為先。」言談間，明顯表露二人感情轉淡，追問兩人感情是否出問題？林峯淡然說：「我哋間中都有聯絡。」再問是否分手？林峯初時說：「冇嘢講。」之後又指仍然和千語是情侶關係，只是不想經常提感情事。
人妻香香不諱言很期待在天冷的日子得到老公強強給予的溫暖：「個個女仔都鍾意被抱嘅感覺，我都係普通女仔。」昨日是香香和強強結婚一周年，她說：「做完活動會飛返加拿大，穿越時空返去會合老公，好感謝時光，會等待一個surprise，相信老公會有準備。」她指從未試過織溫暖牌送給老公：「一嚟要好多時間，二嚟又驚會好多窿窿，不過就算係，老公都會着，佢好有心。」
傲兒天生禦寒
谷胸上陣的何傲兒自豪地說：「估唔到突然咁凍，不過呢行嘅女仔都有天生禦寒能力，最緊要靚，我都慣咗，凍親我都有啲難度。」至於中門大開的雷莊兒則笑言就算天冷，亦沒有太多選擇餘地。
難得合體的莊氏三姊妹齊齊性感現身，講到今年新年願望，莊思敏笑言每年的願望都一樣：「我要爬細妹頭，搵個好男人結婚。」三姊妹聖誕會返馬來西亞和家人慶祝，莊思敏說：「以前聖誕都會約朋友出去玩，可能個人大咗，依家反而想同屋企人過。」
採訪：卓寶花
攝影：沈健程