1米68得101磅20歲洙正@Lovelyz堅持減肥

【蘋果日報】所謂藝人唔易做，唔少女星甚至男星為咗上鏡瘦啲、身型好睇啲都會有不同方式去減肥，最常見就係節食及做運動，近日女團Lovelyz嘅20歲成員洙正嘅減肥發言就引起關注。
洙正之前曾喺節目《偶像戲劇工作團》大吐苦水，表示女團成員唔易做：「雖然粉絲成日話鍾意自己偶像肥啲，有少少肉地顯得健康啲，不過一肥啲就被攻擊，我都曾經被批評過。」
隨後洙正就提到自己嘅獨家減肥秘訣：「我好鍾意食雞腳，但醫料嘅熱量真係好高，所以我都會自己去超市買生雞腳，返宿舍白烚嚟食，都好好味，就好似白切雞咁。」但據官方顯示，身高168cm嘅洙正只得101磅(46kg)，明顯過輕都令粉絲擔心。