梁高美懿點聖誕歌畀員工聽

【明報專訊】聖誕節前夕，每間公司都諗唔同方法，同員工共慶聖誕，恒生銀行（0011）副董事長兼行政總裁梁高美懿，就搞搞新意思，用公司內部的「晨早廣播」，同員工分享美國年輕歌手兼格林美獎得主Taylor Swift，重新演繹嘅浪漫聖誕歌曲《White Christmas》，向員工送上節日的祝福。

除咗祝願員工聖誕快樂之外，梁高美懿希望員工可以趁着聖誕假期，放下工作，同家人共度佳節。 小琴聽講話，「晨早廣播」係恒生傳統嘅內部溝通系統，好似晨早電台節目，係每日朝頭早，同員工分享最新銀行及社會資訊。