下月分隔兩地Double May倒貼男友

【蘋果日報】【圓方】杜汶澤嘅網台即將開播，早前阿澤喺facebook貼咗一張網台助手Double May（楊浩兒）嘅相，熱褲加小背心，吸引好多人注意。不過Double May已經名花有主，早前佢接受本報專訪時話，喺澳門科大擔任足球經理時，識咗法國籍嘅交換生男友。上月初呢位法國男友嚟咗香港，Double May就帶咗佢去圓方商場睇咗場9點半電影。
Double May法籍男友就貌似前巴西國家足球隊嘅卡卡，而且身材非常健碩，仲有六呎幾高。到接近凌晨時分散場，佢哋十指緊扣離開戲院，到港鐵站搭車離開，臨上車前Double May到櫃員機提款，然後替男友八達通增值。兩人坐喺長凳等車，最初兩人睇嚟有啲拗撬，最後男友表現風度，氹番女友。佢哋喺上環站落車，行到一幢唐樓由男友㩒密碼上去。
香港做實習
Double May之後接受訪問，問到男友係咪放假嚟探佢，Double May就話：「佢喺香港做緊intern，1月會返法國讀Master。」男友都支持佢入行，希望佢可以做到自己鍾意做嘅嘢。