新聞類別
娛樂
詳情#
【蘋果日報】王馨平（Linda）昨日由馬爾代夫負傷返港，落機後被航空公司安排坐輪椅過海關，她在社交網貼相留言：「只需一秒的時間，意外就會發生！」她的左小腿貼了紗布，網民紛紛留言慰問。本報致電Linda了解，她自嘲：「我蠢呀！我哋去馬爾代夫玩，噚晚坐機返香港，我要坐船去機場，點知我叉錯腳跌咗落海。」
個頭撞船底
Linda憶述當時情況：「我都唔知點解會發生，明明一隻腳已經上咗船，另一隻腳唔知點解會踏空，可能好大雨又好黑，就跌咗落海，之後即刻浮番上嚟，但個頭同船底碰撞咗一下，好彩唔係好大力，依家諗番嗰一刻好危險，分分鐘會暈。」
當時船上和碼頭的人都跳落海救她，Linda笑說：「我都有問老公，點解你唔即刻跳落水嘅？佢話大家都手忙腳亂，佢見已經有人跳落水，我已經浮上岸，諗住拉我，所以冇跳落水。」問到有否嬲老公？她說：「冇呀，我講笑啫，如果我老公跌落水仲大鑊，我比較鎮定啲，我都好嬲自己咁渣，邊有人跌落海，自己都喺度唱《有隻雀仔跌落水》。」
問到傷勢，Linda輕鬆表示：「冇乜嘢，只係流咗好多血，不過唔係刮到見骨嗰啲，應該只係表皮箒，會瘀幾日，醫生叫我返香港最好去換藥，希望唔會有感染。個頭冇事，只係好輕微碰一碰，哈哈哈！成件事覺得好好笑，去過咁多次馬爾代夫，上船落船都未試過咁。」
落機教瑜伽
由於航班延誤，Linda昨早11時許才返抵香港，身為瑜伽導師的她即趕往授課：「成班人等緊，唔想失場。」
採訪：皓騫
個頭撞船底
Linda憶述當時情況：「我都唔知點解會發生，明明一隻腳已經上咗船，另一隻腳唔知點解會踏空，可能好大雨又好黑，就跌咗落海，之後即刻浮番上嚟，但個頭同船底碰撞咗一下，好彩唔係好大力，依家諗番嗰一刻好危險，分分鐘會暈。」
當時船上和碼頭的人都跳落海救她，Linda笑說：「我都有問老公，點解你唔即刻跳落水嘅？佢話大家都手忙腳亂，佢見已經有人跳落水，我已經浮上岸，諗住拉我，所以冇跳落水。」問到有否嬲老公？她說：「冇呀，我講笑啫，如果我老公跌落水仲大鑊，我比較鎮定啲，我都好嬲自己咁渣，邊有人跌落海，自己都喺度唱《有隻雀仔跌落水》。」
問到傷勢，Linda輕鬆表示：「冇乜嘢，只係流咗好多血，不過唔係刮到見骨嗰啲，應該只係表皮箒，會瘀幾日，醫生叫我返香港最好去換藥，希望唔會有感染。個頭冇事，只係好輕微碰一碰，哈哈哈！成件事覺得好好笑，去過咁多次馬爾代夫，上船落船都未試過咁。」
落機教瑜伽
由於航班延誤，Linda昨早11時許才返抵香港，身為瑜伽導師的她即趕往授課：「成班人等緊，唔想失場。」
採訪：皓騫
回應 (0)
