主動錫錫慘食檸檬 祖兒被拒絕都好開心

【蘋果日報】容祖兒昨早喺微博一口氣貼咗幾張相，見到佢嘟晒嘴咁想錫一個細路仔，之後仲留言話：「第一次跟這小鬼見面，果真沒讓我失望，古靈精怪，我覺得他非常優秀，還一口氣鯨呑一碟煎餃，盡顯男子漢本色，我要親你咯~~~第一次被拒絕得那麼開心！」
究竟邊個令容祖兒也瘋狂？原來係嗯哼！嗯哼之前同爸爸杜江參加咗大陸真人騷《爸爸去哪兒5》，佢同小春個仔Jasper同吳尊個仔Max，再加埋劉畊宏女兒小泡芙，已經為成為焦點，估唔到連祖兒都成為粉絲，佢日前已經喺微博留言話：喜觀嗯哼！」難得有機會見面，真係食檸檬都開心過人！
之不過，個個細路都怕生保，只要你肯陪佢玩，出動吓啲禮物，冰山都可以溶化，所以祖兒下晝喺ig再貼咗條片，佢同咗嗯哼去咗玩瀡滑梯，好快就即刻好friend，搭晒膊頭一齊玩，不過祖兒留言話：「為了和這小鬼玩滑梯，我差點把手機都弄丟了，好在最後找回，但耳筒就只能淹沒在波波池裡，永遠無法再見了！」
經過一番努力，祖兒終於融化咗嗯哼，好肉緊咁錫咗幾啖，祖兒個樣好鬼冧。