22吋馬甲腰見過未？靚媽Baby教你點keep fit

【蘋果日報】28歲嘅楊穎(Angelababy)前年同大陸演員黃曉明結婚，今年1月誕下兒子「小海綿」。Baby好勤力，產後三個月已經復工，昨日仲喺微博晒腰。Baby喺浴室內玩自拍，抽高件衫騷吓操練嘅成果，見佢練到有四嚿腹肌同馬甲線；Baby手腳都好纖瘦，條腰目測只有約22吋，真係羨慕死人。
Baby好自豪咁留言﹕「好吧，既然你們有興趣，卷腹+控制飲食，你也可以的。」唔少網民都留言話Baby好犀利，但慚愧自己未必做得到。其實Baby喺懷孕其間都被人質疑係咪搵代母，因為身材太瘦，仲被影過深宵食雪糕，最後Baby都要係臨生前幾日，影咗輯巨肚相，澄清謠傳。