新聞類別
娛樂
詳情#
【蘋果日報】陳欣健（Philip）前晚在旺角麥花臣場館，舉行入行以來首個演唱會，獲汪明荃（阿姐）、胡楓（修哥）、薛家燕等捧場。Philip甫出場即說：「第一次開個人演唱會，你哋想聽乜？如果想聽我唱歌，我一首金曲都冇，如果想聽我講笑，係咪搞錯咗，黃子華仲未開騷，定係大家買錯咗胡楓嘅飛。」打頭陣嘉賓是陳潔靈，合唱過後，Philip送花答謝時卻笑謂：「收完要放番去後台，因為我冇budget。」陳潔靈說：「我同你講心唔講錢。」Philip笑說：「有朋友先可以有財富。」
非劫案英雄
車婉婉、李思捷等嘉賓相繼出場後，Philip聲稱要爆料，有關1974年在旺角寶生銀行持槍挾持人質劫案，當時任警司的他代表警方和傳媒溝通傳話：「衝入銀行嗰個唔係我，係一個政治部神槍手，當人質走出嚟，神槍手有啲猶豫，高級外籍警官就一腳踢埋去，問做乜嘢仲企喺度，快啲入去，當年嗰個英雄唔係我。」許冠文繼而上台：「佢多情、心軟、浪漫，捉賊，個賊講多兩講就放人，靚少少嘅就娶埋人做老婆，咁點當差。」
要多陪老婆
Philip兩女兒也擔任表演嘉賓，大女陳早茵更神秘現身合唱。Philip說：「佢哋成日覺得我係娛樂大家，其實佢哋至係我最重要觀眾，我要多謝太太，好多人換畫，但佢依然係嗰個，近兩年佢身體唔舒服，希望嚟緊日子可以多啲時間陪佢，畀佢之前欠缺嘅快樂。」騷後Philip接受訪問時說：「我同自己講，上到台就要享受每一個位。多謝大家咁支持我。」
採訪：馬建華
攝影：林賓尼
非劫案英雄
車婉婉、李思捷等嘉賓相繼出場後，Philip聲稱要爆料，有關1974年在旺角寶生銀行持槍挾持人質劫案，當時任警司的他代表警方和傳媒溝通傳話：「衝入銀行嗰個唔係我，係一個政治部神槍手，當人質走出嚟，神槍手有啲猶豫，高級外籍警官就一腳踢埋去，問做乜嘢仲企喺度，快啲入去，當年嗰個英雄唔係我。」許冠文繼而上台：「佢多情、心軟、浪漫，捉賊，個賊講多兩講就放人，靚少少嘅就娶埋人做老婆，咁點當差。」
要多陪老婆
Philip兩女兒也擔任表演嘉賓，大女陳早茵更神秘現身合唱。Philip說：「佢哋成日覺得我係娛樂大家，其實佢哋至係我最重要觀眾，我要多謝太太，好多人換畫，但佢依然係嗰個，近兩年佢身體唔舒服，希望嚟緊日子可以多啲時間陪佢，畀佢之前欠缺嘅快樂。」騷後Philip接受訪問時說：「我同自己講，上到台就要享受每一個位。多謝大家咁支持我。」
採訪：馬建華
攝影：林賓尼
回應 (0)
