范冰冰過季Fendi袋　襯粉嫩Pink Lady Look

【蘋果日報】內地女星范冰冰日前成為唯一亞洲面孔獲頒《紅毯時尚大獎》，雖然貴為時尚女神，經常率先穿上新裝示人，但原來都有環保的時候。
范冰冰日前出席電影《二代妖精》在北京舉行的首映禮，穿上粉紅色長褸亮相，一身粉嫩造型，顯得少女感十足，頭戴一頂牛仔帽，增添了多一點型格，不過腳上所穿的女高踭鞋，就有點過於女人味，如果換上皮靴，效果可能更好。范爺手上拿著的手袋亦甚具童心，毛毛設計再加上「O咀樣」，非常可愛搶鏡，不過手袋其實屬於Fendi2016秋冬的男裝系列，范爺早在上年冬天出席活動時已經拎過，不過只要襯得時尚，就算過咗幾季，都唔係大問題。