新聞類別
娛樂
詳情#
【蘋果日報】衛詩雅入行十年，今年終於見到事業有起色，總共有11部電影拍攝加上映，其中喺電影《失眠》一人分飾兩角，演技備受讚賞，被睇好有機會入圍金像獎。詩雅自覺《失眠》算係代表作：「可以做到唔同角色，享受戲接戲嘅感覺，之前冇諗過一年包攬11部戲，今年對我嚟講好夢幻，好似中咗大獎。等足十年，終於畀我等到玩得咁盡興嘅角色。當然希望得到提名，因為獎項係被給予肯定。」詩雅視偶像劉青雲為終身目標：「要比青雲更有恒心同韌力，專心磨練演技。青雲係個好前輩，同佢合作好舒服，無論人品、演技，仲有穩健嘅家庭，佢嘅內外都係我嘅終身目標。」
未遇到對的人
目前單身嘅詩雅，自爆分手係因為兼顧唔到感情同工作：「我拍拖一定冇時間理我男朋友，分咗手兩年，未有適合嘅人。」佢依家同父母同住，但冇乜時間見面：「父母慢慢年紀大，想多啲時間陪佢哋，亦想工作上有啲成績。前幾年靠屋企人支持，如果有能力，一定令佢哋生活得舒服啲，起碼唔使擔心我，爹哋到依家都擔心我冇錢使，叫我唔使畀家用，又話如果我穩定啲，佢就可以退休，搞到我好大壓力，我嫁埋佢就可以退休。」
撰文：馮仁昭
未遇到對的人
目前單身嘅詩雅，自爆分手係因為兼顧唔到感情同工作：「我拍拖一定冇時間理我男朋友，分咗手兩年，未有適合嘅人。」佢依家同父母同住，但冇乜時間見面：「父母慢慢年紀大，想多啲時間陪佢哋，亦想工作上有啲成績。前幾年靠屋企人支持，如果有能力，一定令佢哋生活得舒服啲，起碼唔使擔心我，爹哋到依家都擔心我冇錢使，叫我唔使畀家用，又話如果我穩定啲，佢就可以退休，搞到我好大壓力，我嫁埋佢就可以退休。」
撰文：馮仁昭
回應 (0)
