新聞類別
娛樂
詳情#
【蘋果日報】方中信、吳鎮宇主演、吳君如首次自導自演的電影《妖鈴鈴》，前晚在金鐘舉行首映禮，君如爸爸夏春秋、細佬吳君祥及女友江美儀、好友鄭秀文（Sammi）、王菀之及農夫等到場支持。當劉德華現身直呼君如為「導演」時，君如激動到眼濕濕。
儍佬幫手
君如在台上透露早兩天已收到華仔WhatsApp表示會來看首映：「劉德華話『我撐你』，我滴咗兩滴眼淚，跑緊十幾個城市都唔知自己喺邊，呢個電話係救命call。劉德華做咗我表哥好多年，今時今日成為博士，仲嚟support我呢個小學雞導演。」華仔表示君如行的路，很像當年自己所走。君如笑言是因為人老，少了戲拍才出此下策，她說：「你哋仲可以去吓紅隧拆彈，記得《捉妖記》老闆叫我做隻肥怪獸，仲話《寒戰》會搵我做女主角，搵我笨咩？都冇女主角，收到華仔電話，我真係喊咗，佢一直都好支持我。」華仔再度安慰君如，笑言不時會有「儍佬」出來幫手時，令君如聲音哽咽。
沒邀父親
當眾人拍照時，在旁的Sammi抵死地將鈴鈴放到君如胸前。君如為《妖》片執導碌盡情人卡，她說：「嚟得撐我嘅都係情人，每次拍戲都咁多情人出手好感動。」今次沒有找父親客串，君如笑言父親已經86歲，讓他留在家中支持亞視就夠。君如又稱早已給父親無上限信用卡，她說：「我懷疑佢真係中過六合彩，冇理由張卡未埋過單。」
方中信跟吳鎮宇近日忙於宣傳，鎮宇受訪時透露聖誕未能享受家庭樂：「除夕要交番條數出嚟，唔係明年除夕都唔使過。」身為生髮用品代言人的方中信，在戲中要以禿頭造型亮相，他表示已經完約，所以沒有問題。
採訪：卓寶花
攝影：沈健程
儍佬幫手
君如在台上透露早兩天已收到華仔WhatsApp表示會來看首映：「劉德華話『我撐你』，我滴咗兩滴眼淚，跑緊十幾個城市都唔知自己喺邊，呢個電話係救命call。劉德華做咗我表哥好多年，今時今日成為博士，仲嚟support我呢個小學雞導演。」華仔表示君如行的路，很像當年自己所走。君如笑言是因為人老，少了戲拍才出此下策，她說：「你哋仲可以去吓紅隧拆彈，記得《捉妖記》老闆叫我做隻肥怪獸，仲話《寒戰》會搵我做女主角，搵我笨咩？都冇女主角，收到華仔電話，我真係喊咗，佢一直都好支持我。」華仔再度安慰君如，笑言不時會有「儍佬」出來幫手時，令君如聲音哽咽。
沒邀父親
當眾人拍照時，在旁的Sammi抵死地將鈴鈴放到君如胸前。君如為《妖》片執導碌盡情人卡，她說：「嚟得撐我嘅都係情人，每次拍戲都咁多情人出手好感動。」今次沒有找父親客串，君如笑言父親已經86歲，讓他留在家中支持亞視就夠。君如又稱早已給父親無上限信用卡，她說：「我懷疑佢真係中過六合彩，冇理由張卡未埋過單。」
方中信跟吳鎮宇近日忙於宣傳，鎮宇受訪時透露聖誕未能享受家庭樂：「除夕要交番條數出嚟，唔係明年除夕都唔使過。」身為生髮用品代言人的方中信，在戲中要以禿頭造型亮相，他表示已經完約，所以沒有問題。
採訪：卓寶花
攝影：沈健程
回應 (0)
