楊洛婷爸爸換心手術成功擔憂唔知幾時甦醒

【蘋果日報】楊洛婷今年9月為老公樂隊Dear Jane主音歌手黃天翱（Tim）誕下女兒Tanya，啱啱過去嘅聖誕節，楊洛婷就帶住Tanya返加拿大探望家人，順便過白色聖誕。
呢個溫馨聖誕之後，楊洛婷喺ig為佢爸爸集氣，原來楊爸爸啱啱接受咗手術，現時都未醒番，佢留言話：「噚日發生咗件奇蹟。我爸爸再次接受心臟移植、腎臟移植，12鐘頭手術後成功。我哋好感恩，呢次手術要搵到合適嘅器官好困難，同時我哋都好擔憂，因為爸爸現時未甦醒，亦唔知佢嘅康復進度。」楊洛婷保持正面態度，話現時會為爸爸祈禱，最希望係新一年有新開始，等爸爸醒咗之後可以同寶貝孫女一齊玩。