新聞類別
娛樂
詳情#
【蘋果日報】無綫前資深演員江漢（原名姜永明）本月7日在療養院病逝，享年79歲。其家人昨在紅磡世界殯儀館為江漢設靈，今日舉殯後，遺體奉移哥連臣角火葬場火化。
江漢曾是粵語片和國語片小生，生前人緣甚佳，昨日眾友好秦沛、苗金鳳、鮑起靜與丈夫方平、謝月美、黃文慧、與江漢合作《烈火雄心》劇集的鄭敬基、羅樂林、白茵、雪妮與丈夫唐佳和無綫監製王心慰等先後到靈堂鞠躬。
一早到靈堂打點
秦沛昨午最早到達靈堂，他眼紅紅說：「其實佢爸爸、媽媽同哥哥都係演藝世家，爸爸係長城電影公司嘅性格演員姜明，媽媽係童毅，太太就係長城電影公司演員王小燕。我同佢哋兩代都好熟，佢爸爸同我爸爸（嚴化）係結拜兄弟，同媽媽都係好朋友，我哋兩個一齊成長。」秦沛續言江漢大他幾歲，所以會叫他做哥哥。他又表示：「我都知佢冇乜嗜好，係鍾意飲少少，之前見過佢一次，兩年前喺加拿大返嚟嘅時候。我好掛住佢，我哋由細玩到大，開頭以為佢行動不便係因為飲酒累事，但原來係其他唔舒服。」
鮑起靜獲益良多
鮑姐談及江漢時亦兩眼通紅：「最記得我哋拍咗一套戲叫《我來也》，我哋細個已認識，佢大我11年，我入行時佢已經係大明星，佢同我屋企人係世交，食完飯後都會同我啲兄弟姊妹一齊玩，好close，反而大咗就少合作。佢好親切，好似大哥哥咁，喺佢身上學到好多嘢，佢唔講人是非，唔會批評人，只會鼓勵同講啲讚美嘅說話。」
採訪：羅慧敏
攝影：林賓尼
江漢曾是粵語片和國語片小生，生前人緣甚佳，昨日眾友好秦沛、苗金鳳、鮑起靜與丈夫方平、謝月美、黃文慧、與江漢合作《烈火雄心》劇集的鄭敬基、羅樂林、白茵、雪妮與丈夫唐佳和無綫監製王心慰等先後到靈堂鞠躬。
一早到靈堂打點
秦沛昨午最早到達靈堂，他眼紅紅說：「其實佢爸爸、媽媽同哥哥都係演藝世家，爸爸係長城電影公司嘅性格演員姜明，媽媽係童毅，太太就係長城電影公司演員王小燕。我同佢哋兩代都好熟，佢爸爸同我爸爸（嚴化）係結拜兄弟，同媽媽都係好朋友，我哋兩個一齊成長。」秦沛續言江漢大他幾歲，所以會叫他做哥哥。他又表示：「我都知佢冇乜嗜好，係鍾意飲少少，之前見過佢一次，兩年前喺加拿大返嚟嘅時候。我好掛住佢，我哋由細玩到大，開頭以為佢行動不便係因為飲酒累事，但原來係其他唔舒服。」
鮑起靜獲益良多
鮑姐談及江漢時亦兩眼通紅：「最記得我哋拍咗一套戲叫《我來也》，我哋細個已認識，佢大我11年，我入行時佢已經係大明星，佢同我屋企人係世交，食完飯後都會同我啲兄弟姊妹一齊玩，好close，反而大咗就少合作。佢好親切，好似大哥哥咁，喺佢身上學到好多嘢，佢唔講人是非，唔會批評人，只會鼓勵同講啲讚美嘅說話。」
採訪：羅慧敏
攝影：林賓尼
回應 (0)
