余香凝高音氹男友

【蘋果日報】余香凝、郭偉亮及張建聲等，昨日在深水埗出席電影《3個綁匪7條心》宣傳活動。戲中飾演肉參的香凝，需要變聲演港女，她坦言現實中亦經常變聲冧男友陳家樂：「當要求人做嘢或氹人嘅時候，會高幾度講嘢，不過佢最愛最真實嘅我。」


余香凝又大讚男友體貼入微，有99分：「1分係留嚟進步，我哋認真發展，努力做嘢先，依家仲細，好多嘢都未準備好。不過近排好多人結婚，去婚宴覺得好sweet，之前從來冇諗過擺酒，依家諗會好想喺婚宴攬實媽咪喊。」


採訪、攝影：羅慧敏