賭場打工到超人之母　羅子喬挾32D　「做好個餡」

【蘋果日報】【《蘋果》專訪】現年30歲的「超人之母」羅子喬（Bella），在澳門長大，畢業後在澳門賭場打工，09年加入娛樂圈，因為學過詠春、泰拳和形意拳，2015年被日本圓谷製作公司選為超人之母人間體的亞洲代言人。近年憑日本超人之母角色進軍日本、台灣藝能界，為超人巡迴舞台劇擔任女主角，「超人之母」為Bella帶來不少機會：「之後多利安創意娛樂公司會同日本圓谷製作公司再合作，投資過億港幣拍超人大電影，『超人之母』仲可以做女主角，係我第一次做女主角。」
Bella在娛圈浮沉8年，終於做到女主角，在入行前原來在賭場打工：「我喺澳門出世，中六畢業後，我同大部份嘅澳門人都一樣，如果想高人工，一定係入賭場。一開始入賭場做嘢，乜嘢都唔識，淨係識得儍笑，唔識擦鞋、埋堆，後來同事都唔係好鍾意我，調咗我去一個冇乜嘢需要對人嘅地方，我之前係做VIP service，當時就開始諗，我嘅人生係咪就係咁，返工放工，好無聊咁。」
同事妒忌
樣靚身材正的Bella得到客人歡心，卻招來同事妒忌：「有一次個客醒咗幾萬蚊我，可能佢鍾意我，我又唔知，我同事可能係妒忌，佢之後同我講『個客輸得慘，你畀啲錢我，等我send畀佢』，我真係信。」
多方嘗試
擁有32D、25、35「最強Body」的Bella，直言身材好是一個負擔：「要珍惜自己，希望可以畀人睇到更多唔同嘅我，性感我唔會覺得好唔鍾意，只係唔好咁單一淨係性感，可以有更多嘅嘗試。將來繼續拍戲、做演員，我諗性感係避免唔到，最緊要係個餡要做得好。」
採訪：非非
攝影：林德雄
服裝提供：Intimissimi