作客《百萬富翁》何守信讚志雲有深度

【蘋果日報】陳志雲主持的亞視節目《百萬富翁2018》慈善版，昨日在大埔亞視總台錄影頭三集。第一集嘉賓有林作、王賢誌、朱慧敏、崔碧珈及何守信分成三組比賽，其他兩集嘉賓包括周美鳳、陳友、王喜、雨僑、鄧兆尊、吳麗珠及林雅詩等。現場約有100名觀眾，觀眾及嘉賓事前須簽保密協議，不可以透露節目內容。志雲以一套紅色格仔西裝現身，由兩名百萬女郎陪同出場。錄影完畢後有支票頒贈儀式，第一集合共籌得4萬6千元，善款捐給地中海貧血兒童基金。
責怪林作分心
一代金牌司儀何守信跟陳志雲一同受訪，何守信大賣口乖說：「我唔係擦鞋，畀好高分志雲，之前已睇過佢好多節目，做MC好有深度。」志雲自言很多細節及舉止都在模仿何守信。志雲透露今次錄影順利，但跟神級司儀同場有點緊張，他說：「何B師傅莊諧並重又識搞氣氛。」何守信自言不滿意籌款結果，因有一題全場都不知答案，志雲反怪林作只顧識崔碧珈而分心。
林作被問到只顧着識女仔，他說：「一早知佢係我拍檔時，已經瞓唔着，估唔到真人同上鏡一樣咁靚，唔使抄牌直接打去佢公司咪得囉。好似我偶像英皇愛德華唔知幾多世（八世）一樣，都係愛美人唔要江山，100萬同愛情我會揀愛情，慈善可以用其他途徑，或者第時結婚禮金捐畀不同慈善機構都得。」他表示題目好難，自己真正的成績不在此方面。
朱慧敏爆賽果
昨日有份參賽的朱慧敏，表示日日玩亞視百萬富翁Apps練習，又透露贏了4萬元獎金，而何守信則贏了6千元，但林作過不到保險線，所以沒有錢。王賢誌自言要好小心玩，善用錦囊，錄影時要打電話問朋友，可惜對方沒有接聽，他說：「志雲好似陳啟泰，有時會用演技搭夠，事前冇睇書，因為題目太廣泛。」
採訪：黃曉妍
攝影：林賓尼